BolgeXeber.Com » Bölgə » Şabranda sel fəlakəti, insanlar köməksiz qalıb

Şabranda sel fəlakəti, insanlar köməksiz qalıb

17-07-2012, 14:30

Oxunub: 4 044

Hadisə yerinə xilasetmə qüvvələri, o cümlədən 2 “KAMAZ” cəlb olunub.
Ötən günü yağan güclü yağış nəticəsində yaranan sel Şabran rayonu, Çuxurazəmi kəndi yaxınlığında “İstisu” adlanan əraziyə gedən yolu bağlayıb. Adıçəkilən ərazidə çox sayda insan köməksiz vəziyyətdə qalıblar. Fövqəladə Hallar Nazirliyinin mətbuat xidmətindən verilən məlumata görə, nazirliyin “112” qaynar telefon xəttinə daxil olmuş məlumata əsasən, müvafiq xilasetmə qüvvələri, o cümlədən “KAMAZ” markalı 2 yük avtomobili hadisə yerinə cəlb olunub.

Hadisə yerində əməliyyat şəraiti qiymətləndirilərkən məlum olub ki, yol güclü yağışlar nəticəsində yaranan sel sularının dağlardan gətirdiyi töküntülərlə (lil, daş və qaya parçaları və s.) örtülüb. Aidiyyəti qurumlarla birgə yol töküntülərdən təmizləmiş, avtomobillərin hərəkəti bərpa olunub.
ANN.Az

Çox Oxunanlar