Bizimlə əlaqə | Reklam
BolgeXeber.Com » Bölgə » Salyanda oğurluqla məşğul olan dəstə zərərsizləşdirilib

Salyanda oğurluqla məşğul olan dəstə zərərsizləşdirilib

24-07-2012, 15:10
Oxunub: 5 311 Azərbaycanın Salyan rayonunda oğurluqla məşğul olan 5 nəfərdən ibarət dəstə zərərsizləşdirilib.

Daxili İşlər Nazirliyinin mətbuat xidmətindən Bolgexeber.com-a verilən məlumata görə, Salyan rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində iyulun 22-də Nail Bədəlova məxsus mağazadan 1720 manat pul və 700 manat dəyərində danışıq kartları oğurlayan Salyan şəhər sakinləri Abış Ələkbərov, Şirin İsayev, Emil Nəsirov, Röyal Əmənov və Aqil Cəfərov tutulublar.

Onların ətrafında aparılan əməliyyat tədbirləri nəticəsində adıçəkilən dəstə üzvlərinin iyulun 14-də Vaqif Burcalıyevə məxsus mağazadan 1900 manat pul və 1 ədəd kassa aparatı, iyulun 17-də Fuad Muradova məxsus mağazadan 450 manat pul və tütün məmulatı, eləcə də cari ilin iyun və iyul ayları ərzində Salyan şəhərinin ərazisində, şəhər sakinləri Əhmədov Zaur Həsənağa oğluna məxsus mağazadan 285 manat pul, Əliyev Qəhrəman Məhərrəm oğluna məxsus mağazadan 40 manat pul və tütün məmulatı, Nəsirov Vüqar Rəfayət oğluna məxsus mağazadan 80 manat pul və tütün məmulatı, Hüseynov Musa İsmayılpaşa oğluna məxsus mağazadan 500 manat pul, Qurbanov Alim Əlibala oğluna məxsus mağazadan ərzaq məhsulları və danışıq kartları oğurlamaları, habelə Cahangirov Cahangir Ağamirzə oğluna, Zərgərli Azər Ağakərim oğluna və Qurbanov Samit Aydın oğluna məxsus mağazalardan oğurluğa cəhd göstərmələri də müəyyən edilib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]