BolgeXeber.Com » Bölgə » Şəmkirlilər “seyid”in evini daşqalaq etdi

Şəmkirlilər “seyid”in evini daşqalaq etdi

6-12-2010, 17:05
Oxunub: 5 642
Yeni Həyat kəndindəki seyid gənc qızı zorladığına görə, camaatın qəzəbinə gəlib

Şəmkir rayonunun noyabrın 28-də Yeni Həyat kəndində qurulan toy şənliyinin sonu münaqişə ilə yekunlaşib. Toy axşamı gəlin neçə il özündə gizlətdiyi sirri bəyə açıb. ANS telekanalının məlumatına görə, qiz göz yaşları tökə-tökə həyat yoldaşına iki il bundan qabaq kənd sakini, 49 yaşlı Müsahib Vəliyev tərəfindən zorlandığını etiraf edib.

Bu arada qeyd edək ki, M.Vəliyev kəndin seyidi kimi tanınırmış və hamı onun evini ocaq bilirmiş. Toyun səhəri günü şok xəbəri eşidən yaxınlar və kənd sakinləri ayağa qalxaraq həmin Müsahibin evini mühasirəyə alıblar. Evin şüşələri sındırılıb, daş-qalaq edilsə də, mənzildən çölə çıxan olmayıb.

“Seyid”in evinin daş-qalaq edildiyini eşidən polislər az keçmiş ərazini əhatəyə alıblar. Müsahibi heç cür görə bilməyən kənd sakinləri və zərərçəkən qizin qohumları bu dəfə polislərlə əlbəyaxa olublar. Kənd sakinləri deyir ki, Azərbaycanın bir çox yerlərindən və kəndin özündən camaat Seyid Müsahibin evinə şəfa tapmaq üçün gəlib-gedirmişlər. Müsahib tərəfindən zorlanıb qorxusundan susan qizların sayının az olmadığı da iddia edilir.

Kənd sakinləri iddia edir ki, son illər ərzində başqa bölgələrə ərə gedən qızların bir çoxu boşanaraq ata evinə qayıdıb. Kənd sakinləri Müsahibin bir neçə dəfə ailə qurduğunu dedilər. Son günlər isə Müsahib əməlli-başli dəyişibmiş. Qapısına şəfa tapmaq üçün gələn şəxslərdən əməlli-başli haqq tələb edirmiş.

Hadisənin necə baş verməsinə gəlincə, bu il noyabrın 28-də toyu olan xanım da Müsahibi "mələk" bilib onun evinə şəfa tapmaq üçün gedibmiş. Kənd sakinləri deyir ki, adını çəkə bilmədikləri həmin qıza Müsahib bir stəkan su verərək bunu içsən şəfa tapacaqsan deyəndən sonra onu öz çarpayısına uzanmağı bildirib. Bir neçə saniyə içində yuxuya gedən həmin qız isə ayılanda artıq zorlandığının şahidi olub. Baş verən hadisəni sirr olaraq saxlamasını isə zərərçəkən qorxması ilə əlaqələndirib. Baş verən bu hadisədən hiddətlənn Yeni Həyat kəndinin sakinləri neçə ildi seyid adı altında camaatı aldadan Müsahibin kənddən çıxarılmasını tələb edir.

Ara sakitləşəndən sonra Müsahib Vəliyev Şəmkir rayon Polis Şöbəsinə aparılıb. Dindirildikdən sonra isə prokurorluğa göndərilib. Baş vermiş hadisəylə bağli məsələyə aydınlığı Baş Prokurorluğun mətbuat xidmətinin rəhbəri Eldar Sultanov gətirib: “Yeni həyat kənd sakini olan qızın həmkəndlisi Müsahib Vəliyev tərəfindən iki il bundan əvvəl zorlanması barədə şikayət ərizəsi bu il dekabrın 1-də daxil olub və artıq Şəmkir Prokurorluğu bununla bağlı müvafiq araşdırmalara başlayıb. Ərizədə göstərilən xüsusatlar üzrə rayon prokurorluğunda tam, obyektiv və hərtərəfli ilkin istintaq aparilacaq, toplanmiş sübutlara hüquqi qiymət verilməklə qanunamüvafiq qərarın qəbul olunması təmin ediləcəkdir”.