Bizimlə əlaqə | Reklam
BolgeXeber.Com » Bölgə » Azərbaycanda polis şöbəsində ölüm

Azərbaycanda polis şöbəsində ölüm

22-08-2012, 15:55
Oxunub: 5 489 Azərbaycanda polis şöbəsində ölüm hadisəsi baş verib.

Bolgexeber.com-un APA-ya istinadən verdiyi məlumata görə, hadisə dünən gecə saatlarında Zərdab rayon Polis Şöbəsində qeydə alınıb. Belə ki, Kürdəmir rayonun Polis Şöbəsinin müvəqqəti saxlama təcridxanada saxlanılan, 1978-ci il təvəllüdlü Hüseynov Arzu Yusif oğlu Zərdab rayon Polis Şöbəsinə gətirilib və qəflətən halı pisləşdiyindən həkimlər gələnə qədər dünyasını dəyişib. Mərhumun meyiti müayinə olunmaq üçün dərhal Məhkəmə Tibbi Ekspertiza və Patoloji Anatomiya Birliyinin Ucar rayon şöbəsinə göndərilib. Məhkəmə Tibbi Ekspertiza və Patoloji Anatomiya Birliyinin Ucar rayon Şöbəsindən APA-nın yerli bürosuna bildirilib ki, ilkin ehtimala görə, mərhum ürək-damar çatışmazlığından dünyasını dəyişib. A. Hüseynovun ölümünün dəqiq səbəbləri isə ekspertizanın yekun rəyi açıqlandıqdan sonra məlum olacaq.

Daxili İşlər Nazirliyinin mətbuat xidmətinin rəis müavini Ehsan Zahidov APA-nın sorğusuna cavabında Zərdab rayon Polis Şöbəsində baş vermiş ölüm faktını təsdiqləyib. O, qeyd edib ki, Kürdəmir Rayon Məhkəməsinin qərarına əsasən barəsində Cinayət Məcəlləsinin 180-ci (soyğunçuluq) maddəsi ilə həbs qətimkan tədbiri seçilmiş, Zərdab Rayon Polis Şöbəsinin müvəqqəti saxlanma təcridxanasında saxlanılan Kürdəmir rayon sakini Arzu Hüseynov avqustun 21-də xəstəliyi ilə əlaqədar vəfat edib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]