Bizimlə əlaqə | Reklam
BolgeXeber.Com » Bölgə » Bakı-Şamaxı-Yevlax yolunda ağır yol qəzası: ölən var

Bakı-Şamaxı-Yevlax yolunda ağır yol qəzası: ölən var

25-08-2012, 11:15
Oxunub: 5 133 39 yaşlı Ağsu sakini xəstəxanaya çatdırılsa da onun həyatını xilas etmək mümkün olmayıb

Ağsu rayonunda ölümlə nəticələnən avtomobil qəzası baş verib. Baş Dövlət Yol Polisi İdarəsinin istintaq və təhqiqat şöbəsinin müstəntiqi, polis kapitanı Elşad Əmirov bildirib ki, hadisə ötən gün axşam saatlarında Bakı-Şamaxı-Yevlax avtomobil yolunun 158-ci kilometrliyində, Ağsu rayonu ərazisində qeydə alınıb.

Bakı şəhər sakini Əliyev Tahir Təhmuraz oğlunun idarə etdiyi 90-XK-885 dövlət nömrə nişanlı “Toyota” markalı minik maşını qarşı tərəfdən gələn Ağsu sakini 1973-cü il təvəllüdlü Nuriyev Cavid Rufulla oğluna məxsus 10-TL-681 dövlət nömrə nişanlı “VAZ 2107” markalı minik maşını ilə toqquşub. Hadisə nəticəsində ağır dərəcəli bədən xəsarətləri alan Cavid Nuriyev Ağsu Mərkəzi rayon Xəstəxanasında dünyasını dəyişib.

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən cinayət işi açılıb, araşdırma aparılır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]