Bizimlə əlaqə | Reklam
BolgeXeber.Com » Bölgə » Masallının bir kəndini külək apardı

Masallının bir kəndini külək apardı

22-12-2010, 17:55
Oxunub: 7 145 «Germic» Yuxarı Zuvandın evlərinin damlarını uçurub

Bir həftə bundan əvvəl Masallı rayonunun kəndlərindən birinə əsən sərt külək böyük ziyan vurub. Rayonun Yeni Zuvand kənd sakinlərinin verdiyi məlumata görə, dekabrın 12-dən 13-nə keçən gecə başlayan güclü «Germic» küləyi evlərin bir çoxunun damını sıradan çıxarıb. Hətta vəziyyət o qədər ağır olub ki, insanlar ölüm təhlükəsi ilə belə üzləşiblər.

Sakinlərin dediyinə görə, sərt külək evlərin damına döşənmiş ağır şifer parçalarını qopararaq, başqa evlərin üzərinə və pəncərələrini sındıraraq içərilərinə atıb. Onlardan biri deyir ki, həmin hadisələr zamanı az qala ailələrdən biri tamamilə məhv olsun. Nəql olunur ki, evdən çıxan 4 nəfərlik ailə daha təhlükəsiz yerə daşınmaq istəyiblər. Onlar qapıdan aralandıqdan bir neçə dəqiqə sonra qonşu Evin damındakı iri şifer parçalarından biri düz qapının ağzına düşüb.

Baş verən təbii fəlakətlə bağlı Masallı rayon İcra Hakimiyyətinə müraciət olunub. Məsələdən xəbər tutan rayon rəhbərliyi isə işi FHN-nin yerli qurumuna həvalə edib. Amma hadisənin üzərindən xeyli müddət keçməsinə baxmayaraq, nə kəndə gələn var, nə də insanların düşdüyü vəziyyətlə maraqlanan. Yalnız, güclü küləyin aşırdığı elektrik dirəklərini bərpa edilib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]