Bizimlə əlaqə | Reklam
BolgeXeber.Com » Bölgə » Şamaxının icra başçısı "mən yoxam" deyir... - Rayon sakinləri isə qan ağlayır

Şamaxının icra başçısı "mən yoxam" deyir... - Rayon sakinləri isə qan ağlayır

17-03-2017, 10:43
Oxunub: 6 260 Şamaxının icra başçısı "mən yoxam" deyir... - Rayon sakinləri isə qan ağlayır Adı yerli sahibkarlarla qalmaqallarda hallanan Şamaxı rayon icra hakimiyyətinin başçısı Asif Ağayev son bir ayda bir nəfəri olsun belə qəbul etməyib

Bu barədə DİA.AZ-a elə icra hakimiyyətinin özündən informasiya veriblər.

Xəbəri verən mənbə iddia edir ki, Asif Ağayev hər gələnə "mən yoxam, deyin ki, sonra gəlsin" cavabını verdirtirməklə yanaşı, həm də özünü çox məşğul kimi göstərməyə də çalışır. Mənbənin dia.az-a söylədikləri: "Əslində Asif Ağayev Şamaxıda daş üstünə daş qoymayıb. Elə o rayona gələndən Şamaxıda daş üstündə daş da qalmayıb. Hamı narazıdır. İşi gücü isə Bakıdan gələn məmurlara qonaqlıq verməkdir. Rayondan talanan pullar ziyafətlərə və bir də Asif Ağayevin cibinə axır. Amma əvəzində sahibkarlar qan ağlayır.

Kəndlilər əkməyə torpaq tapmır. Bütün yararlı torpaqlar məmurlara satılıb, ya da peşkəş edilib. Gör işin harasıdır ki, zəhmətkeş camaat olan şamaxılılar bu gün dilənçi günündədirlər və ümidləri Azərbaycanın başqa şəhərlərində və yaxud da Rusiyada işləyən qohumlarına, yaxınlarınadır. Bu gün Şamaxı camaatının 90 faizi bu rayondan dolanmır. Bunun əksini deyən ağ yalan danışır. Buradan dolanan təkcə Asif Ağayev və onun talançı dəstəsidir".

Onu da qeyd edək ki, mənbə dia.az-a çox ağır ittihamların yer aldığı bir neçə sənədi də təqdim edib. Həmin faktlar üzrə redaksiyamız araşdırma apardığından yaxın vaxtlarda daha geniş materialı diqqətinizə təqdim edəcəyik. Bizi izləyin.

Qarşı tərəfi də dinləməyə hazırıq...
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]