BolgeXeber.Com » Bölgə » Dövlət Proqramı icra olunmadı, məktəb təmirsiz qaldı - FOTOLAR

Dövlət Proqramı icra olunmadı, məktəb təmirsiz qaldı - FOTOLAR

19-04-2017, 12:21

Oxunub: 10 207

Nəsimi rayonu, Mərdanov qardaşları küçəsi 99 ünvanında yerləşən Hüseynqulu Sarabski adına 7 nömrəli Uşaq Musiqi Məktəbinin əsaslı təmirə ehtiyacı var

Bu barədə “Bizim Yol”a valideynlərdən biri bildirib. O, məktəbin binasının vəziyyətinin təhsil üçün çox ağır vəziyyətdə olduğunu qeyd edərək, paytaxtın mərkəzində yerləşən həmin təhsil müəssisəsinin şəkillərini çəkib redaksiyamıza göndərib. Şəkillərdən məktəbin əsaslı təmirə ehtiyacı olduğu məlum olur. Onun sözlərinə görə, valideynlər məktəbin təmir olunmasında maraqlıdırlar.
Mədəniyyət və Turizm Nazirliyi sistemində fəaliyyət göstərən uşaq musiqi məktəbin bütün sinif otaqları, ayrı-ayrı fənn kabinetləri əsaslı şəkildə təmir edilib, lazımı avadanlıq və ləvazimatla təchiz olunmalıdır.

Apardığımız kiçik araşdırma zamanı məlum oldu ki, “2014-2016-cı illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı”nın həyata keçirilməsi üzrə Tədbirlər Planına əsasən H.Sarabski adına 7 nömrəli Uşaq musiqi məktəbi binasının 2015-ci ildə əsaslı təmir olunmalı idi. Bu işi Mədəniyyət və Turizm Nazirliyi ilə Nəsimi Rayon İcra Hakimiyyəti həyata keçirməli idi.

Sözügedən təhsil müəssisəsinin direktor müavini Ləman Sadıqova məktəbin təmir olunması ilə bağlı planının olduğunu bildirdi.

Qeyd edək ki, əsasən H.Sarabski adına 7 nömrəli Uşaq musiqi məktəbində fortepiano, tar, kamança, nağara, kanon, saz, xanəndə, vocal, skripka və nəfəsli alətləri ixtisasları tədris olunur.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]