BolgeXeber.Com » Bölgə » Sumqayıtda yaşayış evindən tank mərmiləri tapılıb

Sumqayıtda yaşayış evindən tank mərmiləri tapılıb

24-01-2011, 19:05
Oxunub: 2 732
Aşkarlanan sursatların döyüş başlığı olmayan 125 mm tank mərmilərinin olduğu müəyyən edilib

Sumqayıt şəhəri, H.Z.Tağıyev qəsəbəsində fərdi yaşayış evinin həyətində döyüş sursatları aşkarlanıb. Bu barədə Fövqəladə Hallar Nazirliyinə məlumat daxil olan kimi müvafiq qurumların mütəxəssisləri lazımi tədbirlərin görülməsi üçün hadisə yerinə cəlb edilib, aidiyyəti qurumlar məlumatlandırılıb.

Nazirliyin mütəxəssisləri tərəfindən hadisə yerinə baxış keçirilərkən aşkarlanan sursatların döyüş başlığı olmayan 125 mm tank mərmilərinin olduğu müəyyən edilib. Xilasedicilər tərəfindən ərazidə əlavə axtarış işləri həyata keçirilib. Aparılmış axtarış nəticəsində hadisə yerində digər şübhəli əşya aşkarlanmayıb. Ərazi xilasedicilər tərəfindən aidiyyəti üzrə təhvil verilib.

Araşdırma aparılır.