BolgeXeber.Com » Bölgə » Masallıda vəziyyət gərgin olaraq qalır

Masallıda vəziyyət gərgin olaraq qalır

25-01-2011, 15:25

Oxunub: 5 353

Dindarlar bu gün səhərdən etibarən aksiyalarını davam etdirəcəklər

Xəbər verdiyimiz kimi, dünən günorta saatlarından etibarən bir qrup dindar Masallı rayon Polis Şöbəsinin qarşısında etiraz aksiyası keçirib. Bolgexeber.com-a verilən məlumata görə, İranın «Səhər-2» telekanalına açıqlama verən dindarlardan birinin həbs olunmasına etiraz əlaməti olaraq keçirilən aksiya polisin təkidi ilə təxirə salınıb.

Rayondan aldığımız son məlumatlara görə, dünənki aksiya dayandırılsa da, Masallıda vəziyyət gərgin olaraq qalır. Bolgexeber.com-a verilən məlumata görə, «Səhər-2» telekanalında Azərbaycan hakimiyyətini sərt şəkildə tənqid edən mollanın həbsinə etiraz edənlər bu gün də Polis Şöbəsinin qarşısına toplaşaraq, aksiyalarını davam etdirməyi planlaşdırırlar.

Bolgexeber.com-a verilən məlumatlarda o da deyilir ki, hal hazırda rayon polisi xüsusi hazırlıq vəziyyətinə gətirilib. Buna səbəb bu gün keçirilməsi gözlənilən aksiya zamanı təxribatların ola biləcəyidir. Həmçinin polis rayonda iğtişaşın yaranmaması üçün də analoji tədbirləri indidən görməyə başlayıb.

Çox Oxunanlar