Bizimlə əlaqə | Reklam
BolgeXeber.Com » Bölgə » Masallıda partlayış nəticəsində zərərçəkənlərin ailələrinə birdəfəlik yardım ayrılıb

Masallıda partlayış nəticəsində zərərçəkənlərin ailələrinə birdəfəlik yardım ayrılıb

8-02-2011, 15:55
Oxunub: 7 740
Bu barədə rabitə və informasiya texnologiyaları naziri Əli Abbasov əmr imzalayıb

Azərbaycanın rabitə və informasiya texnologiyaları naziri Əli Abbasov Masallıda Telekommunikasiya Qovşağında baş vermiş partlayış nəticəsində həlak olan, yaralanan şəxslərin ailələrinə birdəfəlik yardımlar ayrılması barədə əmr imzalayıb. Bolgexeber-in məlumatına görə, bu barədə hadisə yerində jurnalistlərə açıqlama verən Nazirliyin aparat rəhbəri Vidadi Zeynalov məlumat verib.

Həlak olan şəxslərin ailələrinin hər birinə 5 min manat, xəstəxanada müalicə olunanların hər birinə isə 2 min manat, xəstəxanada ilkin tibbi yardım göstəriləndən sonra buraxılan şəxslərin isə hər birinə 1000 manat olmaqla birdəfəlik yardım göstəriləcək. Aparat rəhbəri onu da bildirib ki, bundan sonra xəstəxanada olanların bütün ehtiyacları Nazirlik tərəfindən ödəniləcək.

Rayonda telefon rabitəsini bərpa etmək üçün isə Bakıdan avadanlıqlar gətirilib. Axşam saatlarına qədər kəndlərdə telefon rabitəsinin bərpa olunacağı gözlənilir.

Telekommunikasiya Qovşağına dəyən ziyanın məbləği hələ hesablanmayıb. Nazirlik rəsmisi, həmçinin ATS-də olan bir sıra avadanlıqların istifadəsinin mümkün olduğunu da açıqlayıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]