BolgeXeber.Com » Bölgə » Goranboyun 5 məktəbində aparılan təmir işləri başa çatır

Goranboyun 5 məktəbində aparılan təmir işləri başa çatır

9-12-2012, 18:05

Oxunub: 3 681

Milli.Az Kəpəz TV-yə istinadən xəbər verir ki, 2012-ci il ərzində Goranboy rayonunda 9 məktəb binasının inşasına başlanılıb. Bilik Günündə binaların 4-ü istifadəyə verilib. Digər 5 ümumtəhsil məktəbində isə son tamamlanma işləri həyata keçirilir.

Goranboyun Yeni yol, Məşədiqaralar, Alpoud, Dəyirmanlar və Faxralı kəndlərində tikilən məktəblərdə yanvar ayından dərslərin keçirilməsinə başlanacaq. Bununla da 1000 nəfərdən çox şagird yeni məktəb binasında təhsil alacaq.

Yeni inşa edilən məktəb binaları günün müasir tələbləri səviyyəsində qurulur. Məktəblərin qızdırılması məqsədilə qazanxana və iri tutumlu su anbarları da inşa edilir. Binalar yeni avadanlıq və inventarla təchiz olunur. Tikililərdə sinif otaqları, fənn kabinetləri, laboratoriyalar və idman zalları da müasir şəkildə qurulur. Bundan başqa, məktəblər kompüterlə də təchiz edilir. Goranboy rayonu ərazisində məktəb inşası 2013-cü ildə də davam etdiriləcək.

Çox Oxunanlar