BolgeXeber.Com » Bölgə » Lənkəranda “Çay, çəltik və sitrus meyvələri” festivalı keçirilir

Lənkəranda “Çay, çəltik və sitrus meyvələri” festivalı keçirilir

19-12-2017, 13:24

Oxunub: 8 363

Lənkəranda Azərbaycanda ilk dəfə "Çay, çəltik və sitrus meyvələri” festivalı keçirilir

Lənkəran Şəhər İcra Hakimiyyətinin təşkilatçılığı ilə Heydər Əliyev Xatirə Parkında keçirilən festivalda "Çayımızın adı var”, "Süfrələrin bəzəyi Lənkəranın düyüsü”, "Lənkəranın şirnisi - ağız dadımız”, "Gözəlliyi damla-damla topladıq”, "Yeni Lənkəran tikmək üçün”, "Cənnət görmək istəyən Lənkərana gəlsin” və digər pavilyonlarda cənub zonasının nemətləri sərgilənir.

Festival iştirakçıları Lənkəranda yaşıl çay yarpağının dərimindən tutmuş ayrı-ayrı müəssisələrdə istehsal edilən növbənöv quru çaylarla tanış olmaq, əsl təbii çayın dəmlənmə qaydasını öyrənmək, yüksəkkeyfiyyətli yerli sortlardan olan "Haşimi”, "Sədri”, "Campo” düyülərindən bişirilən 50 növdən çox plov, eyni zamanda, Lənkəran mətbəxinin ləziz təamlarından - quş, balıq ləvəngisindən hazırlanan xörəklərdən dadmaq imkanı əldə ediblər.

Park boyu açılan pavilyonlarda Lənkəranda istehsal olunan digər məhsullar, xalq sənətkarlığı nümunələri də sərgilənir.

Festivalın sonunda tanınmış incəsənət ustaları bayram konserti ilə çıxış edəcəklər.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]