BolgeXeber.Com » Bölgə » Lənkəranda tükürpədici qətl

Lənkəranda tükürpədici qətl

20-12-2012, 10:55

Oxunub: 4 303 Avtobusda arvadına 20 bıçaq zərbəsi vurdu

Lənkəran rayonunda amansız qətl olub. Rayon Prokurorluğundan verilən məlumata görə, dünən saat 09 radələrində 39 yaşlı Fuad Kəlbiyev bıçaqla 34 yaşlı həyat yoldaşı Lətafət Ağayevanı qətlə yetirib.
O, həyat yoldaşına 20-yə yaxın bıçaq zərbəsi vurub. Dəhşətli qətl Tükəvilə kəndindən Lənkərana gələn sərnişin avtobusunda insanların gözü qarşısında törədilib. Qadın aldığı xəsarətlərdən yerindəcə keçinib. Qətlə səbəb kimi qısqanclıq göstərilir.
Bolgexeber.com-a verilən məlumata görə, hadisə ailədaxili münaqişə nəticəsində baş verib. Belə ki, Fuad Kəlbiyev həyat yoldaşına atası evinə getməməyi tapşırıb. Lətafət Ağayeva isə ata-anasını atmayacağını və tez-tez onlara baş çəkəcəyini deyib. Sonuncu növbəti dəfə atası evinə gedərkən həyat yoldaşı tərəfindən avtobusda qətlə yetirilib.
Faktla bağlı Cinayət Məcəlləsinin qəsdən adamöldürmə (120.1-ci) maddəsi ilə cinayət işi başlanıb.

Çox Oxunanlar