Bizimlə əlaqə | Reklam
BolgeXeber.Com » Bölgə » Sabirabadda mitinqə hazırlaşanlar polisə çağırılıb

Sabirabadda mitinqə hazırlaşanlar polisə çağırılıb

24-02-2011, 01:20
Oxunub: 7 562
Sabirabadda fevralın 24-nə nəzərdə tutulan mitinqin təşkilatçılarından bəzisi polisə çağırılıb.

Bu barədə Bolgexeber.com-a Sabirabad rayonu Qasımbəyli, Yuxarı Axtaçı, Əsgərbəyli kənd əhalisinin İctimai Birliyinin fəalı İlham Əmiraslanov məlumat verib: «Polis haqsız olaraq bizim üzvləri incidir, var güclərini sərf edirlər ki, sabahkı tədbir baş tutmasın. Camaat cana doyub, yoxsulluq-səfalət içində yaşayır, bezmişik. Ona görə qərar vermişik ki, səhərdən aksiyalara start verək, mütəmadi keçirək. Biz burda təxribatla məşğul olmuruq. Bizim bir amalımız var ki, bizim kəndlərə su ilə terror olub, evlərimiz dağılıb, kompensasiyalarımız sərəncamda göstərilən məbləğdə ödənilməyib».

Kür daşqınlarının 9 ayı tamamlansa da, əhalinin problemləri hələ də həll olunmayıb, dəyən ziyan aradan qaldırılmayıb.

Fevralın 24-də Kür daşqınlarının 9 ayı tamam olur. Bununla əlaqədar Sabirabadın Əsgərbəyli, Qasımbəyli, Axtaçı, eyni zamanda Saatlının Dəlilər və Novruzlu kəndlərinin sakinləri sabah mitinq keçirməyi planlaşdırır.
Mitinq iştirakçılarının şüarı belədir: «Korrupsiyaya və terrora «yox» deyirik!»./Aytekin Alizade/Bolgexeber/
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]