Bizimlə əlaqə | Reklam
BolgeXeber.Com » Bölgə » Gəncənin yeni polis rəisi kim ola bilər?

Gəncənin yeni polis rəisi kim ola bilər?

23-01-2013, 12:35
Oxunub: 5 883 Ölkənin ikinci şəhərinin polis rəsi olmaq uğrunda rəqabət başlayıb

Gəncə şəhər Baş Polis İdarəsinin rəisi işdən çıxarılıb. Daxili İşlər Nazirliyinin mətbuat xidmətinin rəis müavini Ehsan Zahidov APA-ya bildirib ki, Gəncə şəhər Baş Polis İdarəsinin rəisi, polis general-mayoru Rasim Musayev tutduğu vəzifədən azad edilməsi xahişi ilə Daxili İşlər Nazirliyinə raportla müraciət edib: “Onun müraciətinə baxılıb və Rasim Musayev daxili işlər naziri, general-polkovnik Ramil Usubovun müvafiq əmri ilə tutduğu vəzifədən azad edilib. Rasim Musayev Daxili İşlər Nazirliyinin Baş kadrlar idarəsinin sərəncamına götürülüb”.
Gəncə Şəhər Baş Polis İdarəsinin rəisi postuna iddialılar hərəkətə keçib. Bunlardan biri İsmayıllı rayonunun polis rəisi Nizami Qocayev, Bakının Nizami rayon Polis İdarəsinin rəisi Nofəl Məhərrəmov və Xəzər rayon Polis İdarəsinin rəisi Faiq Şabanov təyinat uğrunda mübarizəyə başlayıblar.
Mənbələr isə Nizami Qocayevin şansının çox olduğunu bildirib. «N.Qocayev yüksək vəzifələr tutmuş, təcrübəli polis zabitidir, eyni zamanda hakimiyyət rəhbərliyində yüksək dəstəyi var. Eyni zamanda Gəncənin icra başçısı Elmar Vəliyev də onun polis rəisi təyin olunmasını istəyir» deyə mənbə vurğulayıb.
Qeyd edək ki, hakimiyyətdəki qaydalara görə yeni təyin olunan polis rəisləri ilə bağlı yerli icra başçısının müsbət rəyi də nəzərə alınır.
//”Bizim Yol”
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]