BolgeXeber.Com » Bölgə » Hacıqabul rayonuna həsr olunmuş qısa tarixi oçerkin müzakirəsi keçirilib

Hacıqabul rayonuna həsr olunmuş qısa tarixi oçerkin müzakirəsi keçirilib

2-05-2019, 14:06

Oxunub: 4 160

1 may 2019-cu il tarixdə Hacıqabul rayon Heydər Əliyev Mərkəzində Respublika Mədəniyyət Nazirliyinin ölkənin digər mədəniyyət regionları kimi, Sabirabad regionu (Sabirabad, Saatlı və Hacıqabul rayonları və Şirvan şəhəri) üçün də nəzərdə tutduğu kitabın Hacıqabul rayonuna aid hissəsinin müzakirəsi keçirildi

Tədbirdə rayon mədəniyyət müəssisələrinin rəhbəri, rayon Gənclər və İdman İdarəsinin rəisi, şəhər orta məktəblərinin tarix və ədəbiyyat müəllimlərinin bir qrupu, rayon kitabxanaçıları, Mərkəzin əməkdaşları, eləcə də ictimaiyyətin nümayəndələri iştirak etdilər.
Sabirabad Regional Mədəniyyət İdarəsinin Hacıqabul rayonu üzrə nümayəndəsi Elnir Əmiraslanov kitab barəsində ümumi məlumat verdikdən sonra Hacıqabul rayon Heydər Əliyev Mərkəzinin baş fond mühafizi, kitabın Hacıqabul rayonuna aid hissəsini hazırlamış Məhəmməd İsayev təqribən 50 səhifəlik mətn barəsində ətraflı danışdı, rayon ərazisindəki tarixi abidələrdən bəhs edərkən onların rəngli şəkillərini və barələrindəki məlumatları monitorda əyani olaraq nümayiş etdirdi.
Kitabın müzakirəsində əməkdar tarix müəllimi, 4 saylı orta məktəbin müəllimi İradəTəhməzova, 9 saylı məktəbin dil-ədəbiyyat müəllimi Afət Piriyeva, “Hacıqabul” qəzetinin müxbiri Nazim Zeynalov, eləcə də veteran tarix müəllimi Mübariz Xəlilov iştirak etdilər.
Müzakirələr nəticəsində kitabı bir qədər də təkmilləşdirmək qərara alındı və gələcəkdə Hacıqabulla bağlı ayrıca kitabın nəşri nəzərdə tutuldu.
Bolgexeber.com

Çox Oxunanlar