Bizimlə əlaqə | Reklam
BolgeXeber.Com » Bölgə » Lənkəranın icra başçısı rayonondan niyə qaçmaq istədi?

Lənkəranın icra başçısı rayonondan niyə qaçmaq istədi?

18-04-2013, 11:00
Oxunub: 5 528 Lənkəranın icra başçısı Taleh Qaraşovun bu yaxınlarda rayondan qaçmaq istədiyinə dair məlumatlar dolaşır. Məlumata görə, icra başçısının qaçmasını şərtləndirən səbəb isə maraqlı bir hadisə olub.
Belə ki, Lənkəran şəhər mədəniyyət şöbəsinin müdiri Vasif Fərzullayev oğluna toy edirmiş. Kifayət qədər təmtaraqlı keçən toyda iştirak edənlər etiraf edirlər ki, indiyə qədər belə bir şənlik şahidi olmayıblar.
Amma problem toydan sonra baş qaldırıb. Tia.az-a verilən məlumata görə, Vasif Fərzullayev oğlunun şəninə toydan sonra atəşfəşanlıq təşkil elətdirib. Üstəlik, hay-küy o həddə olub ki, rayon sakinləri özləri də nəyin baş verdiyini kəsdirə bilməyiblər.
Deyilənlərə görə, Lənkəranın icra başçısı Taleh Qaraşovun bu məsələdən xəbəri olmayıb. Amma bəyin «üçplov»unda baş verən növəti atəşfəşanlıq isə Qaraşovu nəinki xəbərdar olmağa, hətta az qala rayondan qaçmasına səbəb olacaqmış. Məlumata görə, «üçplov» günü Vasif müəllim daha bir atəşfəşanlıq təşkil edib və bütün Lənkəran ayağa qalxıb. Gecə saat 01:00 radələrində baş vermiş bu olaydan sonra Qaraşov elə zənn edib ki, Lənkəranda ya dövlət çevrilişi baş verir, ya da ordu hissələri ayağa qalxıb. Onun ailəsi ilə birlikdə dərhal rayondan çıxmaq istədiyi deyilir. Müavinlərindən birinin dəqiq məlumat çatdırmasından sonra isə icra başçısı sakitləşib.
Hadisə yerinə göndərilən Lənkəranın polis rəisi isə Vasif Fərzullayevlə görüşüb, onunla məsələni yoluna qoyub. Səhəri günü Qaraşov təcili toplantı keçirərək, mədəniyyət şöbəsinin müdirini sərt şəkildə tənqid edib. Üstəlik, onu cəzalandıracağını da bildirib. Amma xeyli vaxtdır nə cəzalanan var, nə də bundan hər hansı bir xəbər. Görünür, Vasif Fərzullayev icra başçısının «bığının altından» keçib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]