Bizimlə əlaqə | Reklam
BolgeXeber.Com » Bölgə » 19 yaşlı gəlin toyunda öldü

19 yaşlı gəlin toyunda öldü

24-04-2011, 17:50
Oxunub: 6 653
Qobustan rayonunda keçirilən toy mərasimində gəlin dünyasını dəyişib.

Şamaxı Rayon Polis Şöbəsindən Bolgexeber.com-a verilən məlumata görə, hadisə bu gün saat 16:00 radələrində Qobustan rayonunun Mərəzə qəsəbəsində 1988-ci il təvəllüdlü İsayev Alim Əli oğlu ilə 1992-ci il təvəllüdlü İsgəndərova Afət Bilal qızının toy mərasimində qeydə alınıb.

Məlumata görə, ötən gün “Şamaxı” restoranında Şamaxının Cavanı kənd sakini Afət İsgəndərovanın toy mərasimi olub. Bu gün günorta saatlarında isə el adəti ilə gəlin qız evindən oğlan evinə - Alim İsayevin atasının Mərəzə qəsəbəsindəki evinə gətirilib.

Mərasim həyətyanı sahədə qurulmuş toy çadırında davam etdirilib. Lakin bir saatdan sonra qəflətən gəlinin halı pisləşib. A. İsgəndərova təcili Şamaxı Mərkəzi Rayon Xəstəxanasının reanimasiya şöbəsinə çatdırılsa aparılsa da, həkimlər onu xilas edə bilməyiblər.

Xəstəxanadan APA-ya bildirilib ki, gəlin xəstəxanaya çatmamış yolda keçinib. Onun hansı səbəbdən ölməsi hələlik məlum deyil.

Faktla bağlı Şamaxı və Qobustan rayon prokurorluqları tərəfindən araşdırma aparılır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]