Bizimlə əlaqə | Reklam
BolgeXeber.Com » Bölgə » Sel Göyçayda ciddi fəsadlar yaratdı

Sel Göyçayda ciddi fəsadlar yaratdı

28-05-2013, 09:45
Oxunub: 5 059 Göyçay rayonuna yağan güclü leysan yağışı səbəbindən yaranan sel suları evlərə, əkin sahələrinə ziyan vurub. Dünən axşam saat 20:00 radələrindən başlayaraq rayon ərazisinə güclü leysan yağışı yağıb, dağlardan gələn sel suları Göyçay şəhərinin qərb hissəsinə, Potu, Ərəbcəbirli, Mirəzhüseynli və Şəhadət kəndlərinə ziyan vurub. Güclü sel səbəbindən şəhərdə və kəndlərdə 200-dən artıq evin həyətyanı sahəsinə, mənzillərin zirzəmilərinə, tövlələrə, pomidor və xiyar istixanalarına, kafe və çayxanalara, sosial obyektlərin ərazisinə 50 santimetr hündürlüyündə su dolub, əraziləri qalın lil qatı örtüb. Kəndlərdə bir neçə vətəndaşın fərdi həyətyanı sahəsindəki toyuq-cücəni sel aparıb. Həyətlərdə və küçələrdə keçilməz su gölməçələri yaranıb, beton və metal suötürücüləri, arxlar üzərindəki kiçik körpülər dağılıb. Sel suları küçələrdə dərin yarğanlar əmələ gətirib, həyətyanı sahələrin hasarlarını və yardımçı tikililəri uçurub, 100 hektardan çox əkin sahəsinə və taxıl sahəsinə ciddi ziyan vurub. Güclü sel suları səbəbindən Bakı-Şamaxı-Yevlax avtomobil yolunun 216-218-ci kilometrlik hissəsi bir saata yaxın bağlı qalıb. Yolun üzərindən 60-70 santimetr hündürlüyündə axıb keçən sel suları səbəbindən nəqliyyatın hərəkəti məhdudlaşıb. Hazırda rayonda leysan yağışı və sel sularının axını davam edir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]