Bizimlə əlaqə | Reklam
BolgeXeber.Com » Bölgə » Elçin Behbudov: «Zaqataladakı vəhhabiləri Suriyadan da maliyyələşdirirlər»

Elçin Behbudov: «Zaqataladakı vəhhabiləri Suriyadan da maliyyələşdirirlər»

28-05-2013, 12:15
Oxunub: 5 087 İşgəncələrə Qarşı Azərbaycan Komitəsinin sədri Elçin Behbudov İsmayıllı, Qəbələ, Oğuz, Şəki, Qax, Zaqatala, Balakən rayon polis şöbələrinin müvəqqəti saxlanma yerlərində monitorinq keçirib.
Bu barədə məlumat verən E.Behbudov bildirib ki, monitorinq zamanı işgəncə və qeyri-insani rəftarla bağlı şikayət edən olmayıb: “Lakin Balakən rayonunda bəzi problemlər aşkar olunub. Bununla bağlı mən daxili işlər naziri Ramil Usubova məlumat verəcəyəm. Bundan başqa, Zaqatalada olarkən sadə vətəndaşlar arasında sorğu keçirdik. Məlum oldu ki, Zaqatalada vəhhabilərin sayı getdikcə artır. Onlar hər an təhlükədirlər. Eyni zamanda həmin rayondan 3-4 nəfər Suriyada müxalif qüvvələrin tərkibində vuruşmaq üçün oraya gedib. Araşdırmalar nəticəsində məlum oldu ki, Zaqatalada vəhhabiləri Suriyadan da maliyyələşdirirlər”.

E.Behbudov Daxili Qoşunların Şəkidə şəhərində yerləşən “N” saylı taborunda da monitorinq keçirdiyini bildirib: “Orada əsgərlər arasında son illər ölüm halları baş verməyib, vərəmə yoluxan əsgər olmayıb. Hər şey qaydasındadır”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]