Bizimlə əlaqə | Reklam
BolgeXeber.Com » Bölgə » 25 yaşlı oğlan qayınatası, qayınanası və qaynını niyə güllələyib? -TƏFƏRRÜAT

25 yaşlı oğlan qayınatası, qayınanası və qaynını niyə güllələyib? -TƏFƏRRÜAT

3-06-2013, 10:10
Oxunub: 5 660 Gənc “ailəsini dağıtmaq” istəyən hər kəsi güllələyəcəyini deyib
Mayın 31-də Ağcabədi rayonunda 3 nəfərin güllələnməsi ilə nəticələnən hadisənin bəzi təfərrüatları məlum olub. Ağcabədi Rayon Polis Şöbəsindən verilən məlumata görə, Laçın rayon sakini olan və Gələbədin kəndi ərazisindəki fermada yaşayan 25 yaşlı Tural Allahverdiyev qayınatası Cəbrayıl Hüseynov, qayınanası Güldəstə Hüseynova və qaynı Valeh Hüseynovu ailədaxili münaqişə zəminində güllələyib. Belə ki, T. Allahverdiyev keçən il Hüseynovların qızı ilə ailə qurub. Onlar fermadakı yaşayış evində yaşayıblar. Bir müddət əvvəl isə qadın yeni doğulmuş uşağını da götürərək Qiyamaddınlı kəndinə atası evinə qayıdıb. Səbəb isə onun T. Allahverdiyevdən küsməsi olub. 25 yaşlı Tural isə bir neçə dəfə qızın atası evinə gələrək onu aparmaq istəyib. Hər dəfə qayınatası və qaynanası buna mane olub. Nəhayət T. Allahverdiyev ov tüfəngini götürərək onlara gəlib və onun “ailəsini dağıtmaq” istəyən hər kəsi güllələyəcəyini deyib. Məlum hadisə də burada baş verib.

Hadisə vaxtı gənc oğlan qayınatası, qaynanası və qaynını güllələsə də, onların xəsarətləri ölümcül olmayıb. Hər üç şəxs xəstəxanaya yerləşdirilib. T. Allahverdiyev isə tutulub.

Faktla əlaqədar araşdırmalar davam etdirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]