Bizimlə əlaqə | Reklam
BolgeXeber.Com » Bölgə » Kürdəmirdə “Kötük” ləqəbli gənc 38 yaşlı qadını zorlayıb

Kürdəmirdə “Kötük” ləqəbli gənc 38 yaşlı qadını zorlayıb

2-05-2011, 15:40
Oxunub: 7 340
Kürdəmir rayonunda zorlama hadisəsi baş verib.

Rayonun hüquq-mühafizə orqanlarından Bolgexeber.com-a verilən məlumata görə, Sığırlı kənd sakini, 1987-ci il təvəllüdlü Qədiyev Vüsal İsgəndər oğlu gecə yarısı qonşuluqda yaşayan 1973-cü il təvəllüdlü S.A.-nın yaşadığı evə soxulub. Hadisə də elə bu zaman baş verib. Məlumata görə, 38 yaşlı qadının həyat yoldaşı onkoloji xəstəlikdən əziyyət çəkir və bir müddətdir ki, Bakı müalicə olunur. Böyük oğlu hərbi xidmətdə olan qadın 3 yaşlı kiçik oğlu ilə evdə tək yaşayırmış. Bundan istifadə edən 24 yaşlı Vüsal öz çirkin əməlini həyata keçirməyə çalışıb.

O, gecə saat 00 radələrində qadının evinə girib. Çağırılmamış qonaq təxminən 10 dəqiqə əlbəyaxa mübarizədən sonra qadını zorlamağa başlayıb. Hadisə ilə bağlı S.A. aprelin 1-də polisə müraciət edib. O, evinə soxulan və namusuna sataşan gənci tanıdığını bildirib. Kürdəmir rayon Polis Şöbəsinin əməkdaşları çox keçmədən V.Qədiyevi yaxalayıb. Qeyd edək ki, hadisəni törədən V.Qədiyev Sığırlı kəndində “sayılıb-seçilən” gənclərdən olub. Onu kənddə “Kötük” ləqəbi ilə tanıyırlarmış.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]