Beyləqanda bir qrup sakin etiraz aksiyası keçirib
20-06-2013, 18:15
Oxunub: 4 905
Rayon sakinlərinin verdiyi məlumata görə, bu gün keçirilən aksiyanın başlanmasına səbəb rayon mərkəzindəki beşmərtəbəli binalardan birinin həyətinin su altında qalması olub. Sakinlər İcra Hakimiyyətinə problemlə bağlı məlumat versələr də, heç bir qurum problemin həll olunmasına yardım etməyib. Demək olar ki, binanın həyətini tamamilə su basıb.
Bundan sonra həmin binanın sakinləri toplaşaraq aksiya keçiriblər. Aksiyaya digər binalarda yaşayan xeyli sayda da insan qoşulub. Vəziyyətin ciddiliyini görən rayon rəhbərliyi aksiyanın daha da böyüyəcəyini görüb polisə müdaxilə etməyi tapşırıb. Polisin müdaxiləsi nəticəsində aksiya dağıdılsa da, vətəndaşlar aksiyanı pərakəndə şəkildə davam etdirirlər və növbəti günlərdə də yenidən davam etdirəcəklərini deyirlər.
Məlumatda o da bildirilir ki, aksiyaya çıxan vətəndaşların əksəriyyəti qadınlar olub və hazırda şəhər icra nümayəndəsi Azil Aslanov aksiyaçılarla danışıq aparır. O, vətəndaşlara vədlər verərək aksiyanı dayandırmağı xahiş edir.
Beyləqan Rayon İcra Hakimiyyətinin başçısının birinci müavini Telman Məstanov isə qaynar.info-ya açıqlamasında aksiya ilə bağlı xəbərləri təkzib etdi. O bildirdi ki, rayonda belə bir hadisə baş verməyib: "Belə bir şey olmayıb. Nə də bizdə bu barədə məlumat yoxdur. Olmayan şeyi necə yaymaq olar axı".
Qeyd edək ki, məsələ ilə bağlı şəhər icra nümayəndəsi Azil Aslanovla dəfələrlə əlaqə saxlamağa cəhd etsək də, o, zənglərimizi cavabsız buraxdı.
Bolgexeber.com
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər - 9-06-2025, 14:14 : Ən yaxşı futbolçu titulunu o qazandı
İdman / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
