BolgeXeber.Com » Bölgə » Əhməd Əhmədzadənin Neftçaladakı adamının özbaşnalığı

Əhməd Əhmədzadənin Neftçaladakı adamının özbaşnalığı

21-06-2013, 19:10

Oxunub: 5 013

Meliorasiya və Su Təsərrüfatı ASC-nin Neftçala Suvarma Sistemləri İdarəsinin rəisi Elçin Əsədovun qanunsuz hərəkətləri, işındə yol verdiyi nöqsanlarla bağlı infom.az-a rayon sakinləri tərəfindən şikayət xarakterli müraciət daxil olub.

Bildirilir ki, idarə rəisi öz qulluq mövqeyindən sui-istifadə etməklə ona etibar olunmuş dövlət əmlakından təyinatı üzrə istifadə etmir.

Hazırda Neftçalanın əksər kəndlərinin suvarma suyu ilə təminatının acınacaqlı vəziyyətdə olduğunu qeyd edən şikayətçilərin sözlərinə görə, xüsusilə Aşağı Qaramanlı, Pirəbbə, Cəngan, Qədimkənd, Ballıcalı, Xol Qarabucaq, Mürsəqulu və Şorkənd kəndlərində əhali suvarma suyuna həsrətdir: "Səbəb dövlət büdcəsindən bu sahəyə ayrılan vəsaitlərin təyinatı üzrə xərclənməməsi, müəyyən məqamlarda yeyintiyə yol verilməsidir. Sakinlərdən Qaramanlı kəndində yaşayan Fərəcov Xalid Saday oğlu qeyd edirki ki biz rayon camaatı olaraq dəfələrlə məsələ ilə bağlı Neftçala Rayon İcra Hakimiyyətində olmuş, problemlə əlaqədar ətraflı məlumat vermişik, lakin indiyədək heç kim Elçin Əsədovun buraxdığı səhvləri aradan qaldırması ilə bağlı heç bir tədbir görməyib.

Görünür, onun Meliorasiya və Su Təsərrüfatı ASC-də güclü himayədarı var". Bu gün Neftçalada kənd təsərrüfatı ilə məşğul olmağın mümkünsüz olduğunu vurğulayan sakinlər bunun başlıca səbəbi kimi suvarma suyunun olmaması, uzun fasilələrlə verilməsini göstərirlər: "Biz neftçalalıların tək dolanışıq yeri dəniz, yəni balıqçılıq və bir də kənd təsərrüfatıdır. Lakin Neftçala Suvarma Sistemləri İdarəsinin rəisi Elçin Əsədovun yarıtmaz fəaliyyəti nəticəsində rayonun əksər kəndləri suvarma suyu ilə təchiz olunmadığından camaatı olduqca ağır vəziyyətlə üz-üzə qalıb. Torpaq sahələrimiz boş-boşuna qalıb, bizsə heç nə əkib-becərə bilmirik. Axı, su olmayan yerdə nə əkmək, nəyi becərmək olar? Təbii ki, heç nəyi. Vallah, artıq dərdimizi deməyə adam da tapa bilmirik. Hara, kimə müraciət ediriksə, bizi ya bışından edirlər, ya da ki, ümumiyyətlə olub-bitənlərə əhəmiyyət vermirlər. Suvarma suyu olmadığından heyvandarlıqla da məşğul ola bilmirik. Son illər rayon camaatından demək olar ki, heç kim kənd təsərrüfatından xeyir götürə, nə də ki, mal-qarasını artıra bilib".

Neftçala Suvarma sistemləri İdarəsinin rəisi Elçin Əsədovun nəzarətində olan SİB –lər (sudan istifadə edənlər birliyi )fermerlərlə qanuna uyğun qaydada müqavilə bağlamaqda maraqlı olmadığını bildirən rayon camaatı iddia edir ki, onlar , dövlət rüsumundan əlavə hər hektara 5 manat pul tələb edir: "Bu isə biz neftçalalıların narazılığına səbəb olur. Hazırda bizlərdən tələb olunan qanunsuz ödəmələrlə bağlı rayon prokrorluquna rəsmi müraciət etmişik və cavab gözləyirik .Axı, niyə biz SİB-ə nə isə artıq bir şey ödəməliyik. Dövlət rüsumu nə qədərdirsə biz də həmin məbləği ödəməyə hazırıq. Ondan artığını verə bilmərik. Lakin qarşı tərəf ya bunu başa düşmür, ya da ki, israrla başa düşmək istək istəmir.

Məhz elə buna görə də Elçin Əsədovun rəhbərlik etdiyi idarə camaata divan tutur. Belə ki, torpaq sahələrini əkmək istəyən rayon sakinləri ərazilərini suvarmaq üçün mütləq qarşı tərəfin də maraqlarını nəzərə almalıdır. Söz yox ki, istifadə olunan suyun müqabilində dövlət tərəfindən nəzərdə tutulmuş rüsum var. Yəni, hər kubmetr suya görə ödənilən məbləğ mövcuddur. Lakin Neftçala Suvarma Sistemləri İdarəsi üçün qanunda nəzərdə tutulan məbləğ əhəmiyyət kəsb etmir. Çünki idarənin özünün müəyyən etdiyi rüsumlar var və suvarma suyu istəyən hər kəs həmin məbləği ödəməlidir. Əks halda, hara və kimə şikayət etmənizdən asılı olmayaraq heç kimə su verilmir".

Daxil olan şikayət məktubu ilə bağlı idarə rəisi Elçin Əsədovun telefonla mövqeyini öyrənmək istəsəkdə O telfonumuza cavab vermədi. İkinci cəhdimizdə idarənin baş mühasibi Elçin Gözəlovla telfon əlaqəsi saxladıq baş verənlərə ondan münasibət bildirməsini xahiş etdik. Bildirdiki idarə rəisinin qəti tapşırıqı var bizim mətbuata açıqlam verməyə ixtiyarımız yoxdur.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]