Bizimlə əlaqə | Reklam
BolgeXeber.Com » Bölgə » Lənkəranda müəllimlər rüşvət alarkən yaxalandı-Foto

Lənkəranda müəllimlər rüşvət alarkən yaxalandı-Foto

24-06-2013, 11:10
Oxunub: 5 212 Lənkəran Dövlət Universitetində növbəti rüşvət iddiası

Lənkəran Dövlət Universiteti yenidən rüşvət qalmaqalı ilə gündəmə gəlib.
Əvvəlcə onu qeyd edək ki, bir neçə gün öncə universitetin bir qrup tələbəsi LDU-da müəllimlərin onlardan rüşvət tələb etməsi ilə bağlı mətbuata müraciət edib.

AzNews.az-a daxil olan məlumata görə, bu müraciətin ardınca universitet rəhbərliyi həmin tələbələrlə görüşüb və onlara yaydıqları bu məlumatı təkzib etməyi tapşırıb. Universitetdə jurnalistlərin də iştirakı ilə geniş tədbir keçirilib və tələbələrə müsahibə verərək, rüşvət iddialarını yalanlamaq tapşırılıb.

Tələbələr isə geri çəkilmək niyyətində deyil. Onlar universitet rəhbərliyinin onlardan rüşvət tələb etməsi ilə bağlı məsələnin sonuna qədər getməkdə israrlıdırlar. Göndərilən bu fotoda da rüşvət alınması anının əks olunması iddia olunur. Bildirilir ki, müəllimlər - Haqverdi Babayev, Sənan Əzizov qrup rəhbərlərindən imtahan haqlarını alırlar.
Məsələ ilə bağlı LDU ilə əlaqə cəhdlərimiz baş tutmadı.
Qarşı tərəfin mövqeyini dərc etməyə hazırıq.

Xatırladaq ki, bir neçə ay əvvəl Lənkəran Dövlət Universiteti rüşvət qalmaqalı ilə gündəmə gəlmişdi. Universitetin prorektoru Qorxmaz Ağayev rüşvət alarkən yaxalanmış, bunun ardınca isə aldığı rüşvəti udaraq, dəlilləri aradan çıxarmağa cəhd etmişdi.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]