Bizimlə əlaqə | Reklam
BolgeXeber.Com » Bölgə » Məmurların Ağcakəndəki restoranlarında əxlaqsızlıq yuvası fəaliyyət göstərir

Məmurların Ağcakəndəki restoranlarında əxlaqsızlıq yuvası fəaliyyət göstərir

2-07-2013, 11:00
Oxunub: 5 516 Köçkünlər Şahmar Usubovdan və onun müavinlərindən şikayət edir.

Erməni soqyqrımından sağ qurtulan Xocalı sakinlərinin kompakt yaşadığı bölgələrdən biri də Goronboy rayonunun Aşağı Ağcakənd kəndidir. Xocalının işğalından sonra bu rayonun sakinləri ilə yanaşı icra sturkturları da orada yerləşdirilib.

Burada vaxtilə ermənilərin yaşadığı evlər indi Kəlbəcər və Xocalı sakinləri tərəfindən təmir olunaraq istifadə edilir. Bununla yanaşı dövlət büdcəsi hesabına Xocalı sakinləri üçün ayırca evlər də inşa olunub. Aşağı Ağcakəndə yaşayan sakinlərin əsas məşğuliyyəti əkinçilik və hevandarlıqdır.
Məcburi köçkünlərin əsas problemi yerli icra strukturlarının özbaşınalıqlarıdır. Verilən məlumata görə icra başçısı Şahmar Usubov və onun müavinləri, rayonun polis rəisi ən yararlı torpaq sahələrini zəbt ediblər.

Kəlbəcər köçkünlərinin sözlərinə görə Ş. Usubov onlara məxsus yaylaq otlaq sahələrini zorla ələ keçirib. Hazırda 2000 baş qoyun saxlatdıran icra başçısı heyvanlarını Kəlbəcər köçkünlərinin yaylaq sahələrinə yerləşdirilb. Ərazinin təhlükəsizliyinə Xocalı Polis Şöbəsi məsul olduğundan icra başçısı ona qarşı çıxan istənilən adamları polisə gətizdirib, saxlatdırır. Kənddə yerləşən poçt şöbəsi isə vətəndaşların şikayət ərizələrini “it-bata” salır. Əlacsız qalan sakinlər dövlət qurumlarına ünvanlayacaqları ərizələri Goronboy rayonundan ötürürlər.
Aşağı Ağcakənd meşə qoynunda və çay kənarında yerləşdiyindən burada turizm imkanları böyükdür. Sakinlərdən öyrəndik ki, buradakı istirahət mərkəzlərinin əksəriyyəti vəzifəli şəxslərə məxsusdur.
Kifayət qədər böyük bir ərazini əhatə edən istirahət mərkəzlərindən birinin informasiya və texnologiyalar naziri Əli Abbasova məxsus olduğu iddia edilir. Sakinlərin sözlərinə görə, nazir Əli Abbas yay aylarında bir neçə

günlüyə olsa da buraya istirahətə gəlir. Məlumatda daha sonra qeyd olunur ki, Aşağı Ağcakənddə normal səviyyəli istirahət mərkəzləri ilə yanaşı əxlaqsızlıq yuvası kimi fəaliyyət göstərən yerlər də var. Mənbə onların rayon rəhərliyində çalışan şəxslərə məxsus olduğunu iddia etdi. Belə restoranlarda gecə həyatı üçün hər cür şərait yaradılıb. Baxmayaraq ki, ərazi Goronboyun inzibati ərazi bölgüsünə aiddir. Amma buradakı faktiki rəhbərlik və idarəçiliyi Xocalı Rayon İcra Hakimiyyəti aparır.

Aşağı Ağcakənd ölkənin ucqar bölgələrindən biri olmasına baxmayaraq, burada istirahət üçün qiymətlər kifayət qədər bahadır. Normal şəraitli kotejlərdə bir gecənin qiyməti 100-150 manat məbləğində müəyyən edilib.

Erməni ilə üzbə-üz olan bu ərazilərdə çoxsaylı əsgərlərimizi də görmək olar. Onu da öyrənirik ki, yay aylarında buradakı hərbçilərimizin vəziyyəti yaxşı olur. Buna səbəb isə ərzaq təminatından korluq çəkən əsgərlərimizin yaylaqda olan çobanlardan qatıq-süd almalarıdır. Belə ki, Gülüstan kəndindəki ərazidə hərbçilərimiz yaylaqdakılarla neft və konservləşdirilmiş yeməkləri yağa, südə və qatığa dəyişirlər.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]