Bizimlə əlaqə | Reklam
BolgeXeber.Com » Bölgə » Baş həkim 3 yaşlı körpəni ölümə məhkum edib-RƏZALƏT

Baş həkim 3 yaşlı körpəni ölümə məhkum edib-RƏZALƏT

3-07-2013, 10:40
Oxunub: 4 962 Ağdam qaçqını, hazırda Bənövşələr qəsəbəsində məskunlaşan Məmmədova Yeganə müraciət edərək rastlaşdığı qanunsuzluq və qeyri insani rəftardan şikayətlənib.
Şikayətçi bildirir ki, Topçubaşov adına xəstəxananın baş həkimi Yusif Əliyev «Heydər Əliyev Fondu»nun xətti ilə xəstəxanaya əməliyyta yönləndirilən 3 yaşlı qızları Məmmədova Gülay Əlixan qızının əməliyyatı üçün onlardan rüşvət tələb edir. Baş həkim əks təqdirdə uşağı əməliyyat etməyəcəklərini bildirib.

Məcburi qaçqın və çarəsiz ana Yeganə Məmmədova müraciətində bildirir ki, 3 yaşlı qızı Gülay Məmmədova ürək çatışmamazlığından əziyyət çəkir və təcili əməliyyat olunmazsa, qızcığaz öləcək. Kasıb ailə uşaqlarını əməliyyat etdirmək üçün vəsait tapa bilmədiyinə görə, «Heydər Əliyev Fondu»na müraciət edib. Fond onları Topçubaşov adına xəstəxanaya göndərib. Xəstəxanada öncə uşağı müayinə edib analizlərdən keçiriblər. Məlum olub ki, uşaq bir neçə günün içində əməliyyat olunmazsa, həyatını itirəcək. Bütün müsibət də elə bundan sonra başlayıb.

Şikayətçi bildirir ki, Topçubaşov adına xəstəxananın baş həkimi Yusif Əliyev bildirib ki, mən pulsuz heç bir cərrahı çağırıb deyə bilmərəm ki, bu uşağı əməliyyat edin. Əməliyyat pulu həkimə ödənilməlidir və ancaq bundan sonra uşağı əməliyyat edə bilərlər. 3 yaşlı qızın «Heydər Əliyev Fondu» vasitəsi ilə xəstəxanaya gətirildiyi baş həkimin diqqətinə çatdırıldıqda isə baş həkim bildirib ki, o, Fond, filan tanımır. Fond yollayıbsa, pulunu da yollasın. Əks təqdirdə uşaq əməliyyat olunmayacaq.

Daha sonra isə uşağın valideynlərinin şikayətçi olduqlarını görən baş həkim başqa bir bəhanə gətirib. Bildirib ki, əməliyyatı keçirmək üçün Topçubaşov adına xəstəxana qan köçürən həkim yoxdur. Daha doğrusu Leyla Məhərrəmova adlı bu həkim hazırda xəstəxanada deyil və baş həkim onu tapa bilmir. Ona görə də uşağın valideynlərindən tələb olunub ki, Neftçilər Xəstəxanasında qan köçürən həkim gətirsinlər. Baş həkimə qan köçürən həkimin gətiriləməsi üçün ailəninin vəsaiti olmadığı bildirilən də isə, Yusif Əliyev bildirib ki, bu onun probemi deyil. Uşaqlarının sağalmasını istəyirlərsə, pul tapıb həkimləri razı salmalıdırlar.

Gülay Məmmdovanın çarəsiz anası bildirir ki, əgər uşaq sabah uşaq əməliyyat olunmazsa, ölə bilər. Lakin bu Topçubaşov adına xəstəxananın baş həkiminin vecinə belə deyil. Baş həkimi düşündürən tək şey puldur. Yeganə Məmmədova bildirir ki, o, baş verənlərlə bağlı bir daha «Heydər Əliyev Fondu»na müraciət edəcək. Amma qorxur ki, o zamana qədər gec ola və uşağı baş həkimin tamahkarlığı və öz borcunu yerinə yetirmək istəməməsi nəticəsində tələf ola. Ona görə də çarəsiz ana vəziyyətdən çıxış yolunu mətbuata müraciət etməkdə görür.

Qarşı tərəfin mövqeyini dərc etməyə hazırıq…

Redaksiyadan: Rüşvət almadan bir həkimin öz borcunu yerinə yetirmək istəməmsi Azərbaycan cəmiyytinin nə qədər mənəvi pozğunluğa yuvarlanmasının göstəricisidir. Öz vətəndaşlarının sağlamlığını, sosial təhlükəsizliyni qorumağa borclu olan dövlət qurumları belə bir vəziyyətin yaranmasında birbaşa məsuliyyət daşıyır. Çünki hər şey rüşvətlə ölçülən və bütün vəzifələr rüşvət alınmaqla icra olunan bizim cəmiyyətdə insani dəyərlər artıq ölüb. Bu dəyərlərin yerini isə pul qazanma hərisliyi alıb. Bizim insanımız içindəki Allahı belə “öldürüb” və rüşvət maniyasından başqa tapınmağa heç bir şey tapa bilmir.

pia.az
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]