Bizimlə əlaqə | Reklam
BolgeXeber.Com » Bölgə » İcra başçısının əcaib «peklam siyasəti»

İcra başçısının əcaib «peklam siyasəti»

13-07-2013, 09:40
Oxunub: 5 022 İcra başçısının «peklam siyasəti»ndən vaz keçməzsə, Baki-Rostov yolu bağlanacaq

Keçən ilin 1 mart tarixində küçələrə axışaraq keçmiş icra başçısı Rauf Həbibovun evini yandıran, icra hakimiyyəti binasını daşqalaq edən qubalılar yenidən üsyan əhvalındadırlar. Bu barədə rayondakı qaynaqlar məlumat verib.

Rayon sakinlərinin redaksiyamıza bildirdiyinə görə, neçə gündür ki, Qubanın üsyandan sonrakı icra başçısı Mübariz Ağayev yerli sahibkarlarla kəllə-kəlləyə gəlib. Buna səbəbsə icra hakimiyyəti tərəfindən Quba rayon mərkəzində yerləşən dükan və digər iaşə obyektlərinin reklam şitlərini yığışdırma tapşırığıdır.

Sakinlər bildirir ki, əslində bu addıma özünün əlavə gəlir yeri kimi baxan icra başçısı sahibkarlardan reklam şitlərinin müqabilində az qala paytaxtdakı qədər pul istəyir: «Biz nə qədər qazanırıq ki, həm də icra başçısına haqq verək».

Məlumata görə iki gün əvvəl bir qrup sahibkar icra hakimiyyəti işçilərinin reklam sökmə əməliyyatına etiraz ediblər: «Bu zaman əraziyə polis qüvvələri yeridilib və sahibkarlardan bir neçəsi saxlanılaraq polis bölməsinə aparılıb. Sonradan onların ifadəsi alınaraq, sərbəst buraxılıblar. Adını da qoyublar ki, guya sahibkarlar hakimiyyətə qarşı çıxır».

Sahibkarlar dia.az-a bildiriblər ki, əgər Quba icra hakimiyyəti «reklam siyasəti»ni durdurmazsa, Bakı-Rostov magistral yolunu bağlayacaqlar.

Bütün tərəfləri dinləməyə hazırıq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]