BolgeXeber.Com » Bölgə » Bərdədə “Heydər Əliyev və mədəniyyətimiz” mövzusunda intellektual bilik yarışı keçirilib

Bərdədə “Heydər Əliyev və mədəniyyətimiz” mövzusunda intellektual bilik yarışı keçirilib

10-05-2021, 09:57

Oxunub: 3 816

Bərdə Regional Mədəniyyət İdarəsi tərəfindən ulu öndər Heydər Əliyevin adan olmasının 98-ci ildönümünə həsr olunmuş “Heydər Əliyev və mədəniyyətimiz” mövzusunda intellektual bilik yarışı keçirilib
Regional idarə üzrə Mingəçevir şəhərində baş tutan yarışda idarənin əhatə etdiyi Bərdə, Tərtər rayonlarından, o cümlədən Yevlax və Mingəçevir şəhərlərindən mədəniyyət işçiləri iştirak edib.
Bərdə Regional Mədəniyyət İdarəsi ulu öndər Heydər Əliyevin anadan olmasının 98-ci ildönümü ilə əlaqədar Mingəçevir şəhərində “Heydər Əliyev və mədəniyyətimiz” mövzusunda bilik yarışması təşkil edib. İntellektual yarışa Bərdə, Tərtər, Yevlax və Mingəçevirdən mədəniyyət işçiləri qatılıb.
Tədbirdə çıxış edənlər ulu öndər Heydər Əliyevin Azərbaycan mədəniyyətinin inkişafında müstəsna xidmətlərindən danışıblar. Bildirilib ki, intellektual yarışın keçirilməsində məqsəd ulu öndər Heydər Əliyev irsinin öyrənilməsi və təbliği, milli-mənəvi dəyərlərimizi gələcək nəsillərə aşılamaqdır.
İntellektual yarışın münsiflər heyəti qismində Mingəçevir şəhərindən Qarabağ Müharibəsi Əlilləri, Veteranları və Şəhid Ailələri İctimai Birliyi, YAP Mingəçevir şəhər təşkilatı, Mingəçevir Regional Debat Mərkəzinin nümayəndələri, o cümlədən Mingəçevir şəhər şəhid F.Qasımov adına uşaq incəsənət məktəbinin və Mingəçevir şəhər 11 illik musiqi məktəbinin rəhbərləri iştirak edib.
Yarışda Bərdə rayonunu “Qarabağ”, Tərtər rayonunu “Suqovuşan”, Mingəçevir şəhərini “Nur”, Yevlax şəhərini isə “Kür” komandası təmsil edib. Üç turdan ibarət yarış Mingəçevir şəhərinin “Nur” komandasının qələbəsi ilə başa çatıb. Turlar arası fasilədə mədəniyyət işçiləri tərəfindən musiqi nömrələri ifa edilib.
Sonda qalib komanda regional idarə tərəfindən fəxri fərman və kubokla təltif olunub.
Bolgexeber.com

Çox Oxunanlar