Bizimlə əlaqə | Reklam
BolgeXeber.Com » Bölgə » Şəkidə maaş üstündə kütləvi dava

Şəkidə maaş üstündə kütləvi dava

20-07-2013, 10:40
Oxunub: 5 415 Hadisə yerinə çoxlu sayda polis qüvvələri cəlb olunub
Şəkinin Aşağı Göynük kəndində kütləvi dava baş verib. Bolgexeber.com Kanal S-ə istinadən xəbər verir ki, Vələt Hümbətov adlı şəxsə məxsus taxta sexində işləyən işçilər döyülüb. Buna səbəb onların öz maaşlarını tələb etmələri olub.

Əmək haqqlarını ala bilməyən işçilər öz haqlarını tələb etdikdə sexin digər işçiləri onlara küt alət və bıçaqla xəsarət yetirib. Nəticədə Aşağı Göynük kənd sakinləri - Rəhimov Taleh, Rəhmanov Məcnun, Abbasov Gündüz, Şabanov Habil, Yusifov Elman, Mustafayev Pərviz, Məmmədov Pərvin döyülüb.

Hadisə yerinə çoxlu sayda polis qüvvələri cəlb olunub. Dalaşanları ayıran zaman hadisə yerində olan Aşağı Göynük kənd sakini, polis leytenantı Abdulkərimov Adil müxtəlif dərəcəli bədən xəsarətləri alıb.

Yaralıların vəziyyəti ağır olmadığından onlar ilk olaraq polis şöbəsinə gətirilib. İfadələri alındıqdan sonra Şəki rayon Mərkəzi xəstəxanasına aparılıblar. Xəstəxanadan verilən məlumata görə, xəsarət alanların vəziyyəti normaldır və ilkin müayinədən sonra evə buraxılacaqlar.

Hadisə ilə əlaqədar Şəki şəhər polis şöbəsində araşdırmalara başlanılıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]