BolgeXeber.Com » Bölgə » Tərtərdə sel fəsadlara səbəb olub-FOTO

Tərtərdə sel fəsadlara səbəb olub-FOTO

10-06-2021, 18:30

Oxunub: 3 008

İyunun 9-da saat 23:00-dan başlayaraq yağan güclü yağışla əlaqədar yaranan sel nəticəsində rayonunun Dəmirçilər və Ağkənd kəndlərində fərdi təsərrüfatlara, yol infrakstrukturuna, biçilməmiş taxıl və digər kənd təsərrüfatı təyinatlı bitkilərə ziyan dəymişdir.
Baş vermiş təbii fəlakətin nəticələrinin aradan qaldırılması məqsədilə rayon fövqəladə hallar komissiyası tərəfindən gecə saatlarından təcili olaraq zəruri tədbirlərin həyata keçirilməsinə başlanılmış, hazırda bu sahədə tədbirlər davam etdirilir.
Mövcud vəziyyətlə bağlı Tərtər rayon İcra Hakimiyyətinin başçısı Müstəqim Məmmədov aidiyyəti idarə, təşkilat rəhbərləri ilə birgə gecə sel hadisəsi baş verən zaman Dəmirçilər və Ağkənd kəndlərində olmuş, fəsadın aradan qaldırılması ilə bağlı təcili tədbirlərin görülməsi üçün tapşırıq və tövsiyələrini vermişdir.
Bolgexeber.com

Çox Oxunanlar