Bizimlə əlaqə | Reklam
BolgeXeber.Com » Bölgə » Sabirabadda müavin hər ev üçün 3000 manat "şirinlik" istəyir

Sabirabadda müavin hər ev üçün 3000 manat "şirinlik" istəyir

1-08-2013, 10:15
Oxunub: 4 976 İcra başçısının müavini seldən zərər çəkmişlərlə bazarlığa gedib

Bir neçə il bundan əvvəl Kür çayının daşması nəticəsində meydana gəlmiş sel fəlakətinin fəsadları hələ də tam aradan qaldırılmayıb. Jam.az xəbər verir ki, Sabirabad rayonunda bununla bağlı vəziyyət daha ağırdır.

Belə ki, rayon sakinlərinin bir çoxuna ev tikilməsi və ya evinin təmir olunması nəzərdə tutulsa da, onlar reallaşdırılmayıb. Sakinlərin verdiyi məlumata görə, hazırda durum daha kritikdir. Çünki seldən əziyyət çəkənlərə yeni evlərin tikilməsi əsl alver predmetinə çevrilib. Məlumatda deyilir ki, Sabirabad rayon İcra Hakimiyyəti başçısının birinci müavini Həsən Həsənova həvalə edilmiş iş pul qarşılığında həllini tapa bilir.

Qeyd olunur ki, FHN-in inşa etməli olduğu evlərin siyahısını tərtib edən Həsənov bu istəkdə olan şəxslərdən pul tələb edir. Məlumatlara görə, icra başçısının birinci müavini hər ev üçün 3000 manat «şirinlik» tələb edir. Həmin məbləği verənlər qısa müddətdə mənzillə təmin edilsələr də, etiraz edənlərin adları siyahıdan çıxarılır və ya onların adı ən sonuncular sırasına daxil edilir ki, bu da zərər çəkənlərin daha bir neçə il gözləməsi anlamına gəlir deməkdir. Bolgexeber.com bildirir ki, əməkdaşlarımız rayonun Ağamədli,Ulacalı,Ələmbəyli,Azadəkənd kəndlərində çoxlu sayda şikayətçilərlə görüşmüşdür və bu kəndlərin sakinlərinin şikayətləri əsasında hazırlanan geniş reportaj yaxın zamanlarda oxuculara təqdim olunacaq.

Məsələ ilə bağlı qarşı tərəfin də mövqeyini dərc etməyə hazırıq.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]