Bizimlə əlaqə | Reklam
BolgeXeber.Com » Bölgə » Bazarında üsyan qalxan deputat danışdı

Bazarında üsyan qalxan deputat danışdı

1-08-2013, 12:35
Oxunub: 4 952 "Mən hazırda istirahətdəyəm. Kürdəmirdə baş verənlərdən elə də xəbərim yoxdur. Rayonla əlaqə saxlamışam. Deyiblər ki, müxalifətçilər camaatı ayağa qaldırır. Polis də bu cəhdin qarşısını alıb".

Bunu Teleqraf.com-a açıqlamasında Kürdəmirdən olan deputat Fərhad Qəribov bu gün rayon bazarında satıcıların etirazına münasibət olaraq bildirib.

Millət vəkili qeyd etdi ki, bazar onun yox, yaxınlarına məxsus olduğundan, orada baş verənlərə qarışmır: "Kimsə yer pulunun baha olmasına etiraz edirsə bunu adi qaydada rəhbərliyə bildirsin. Aksiyaya nə ehtiyac var. Həmçinin Kürdəmir bazarı yeni tikilən və təmiz, səliqəli bazardı. Bazarı tikənlər camaata pislik etməyib. Gərək camaat da bunu başa düşsün".

Qeyd edək ki, avqustun 1-də səhər saatlarında Kürdəmir rayonunun mərkəzi bazarında bir qrup sahibkar etiraz aksiyası keçirib. Mağaza sahiblərinin etirazına səbəb bazar rəhbərliyinin aylıq yer haqqını 3 dəfə artırmasıdır.

Hüquq müdafiəçisi Lətafət Məlikova bildirib ki, bazarın sahibi deputat Fərhad Qəribovun oğludur.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]