BolgeXeber.Com » Bölgə » Bərdə dezinfeksiya işləri davam etdirilir

Bərdə dezinfeksiya işləri davam etdirilir

12-08-2021, 17:53

Oxunub: 3 424

Bərdə Rayon İcra Hakimiyyəti başçısı yanında yaradılmış rayon Qərargahının təşkilatçılığı ilə “COVID-19” pandemiyasına qarşı mübarizə tədbirləri çərçivəsində rayonun idarə, müəssisə və təşkilatlarında, əhalinin daha çox təmasda olduğu obyektlərdə dezinfeksiya işləri aparılır.
Son günlər rayonun 29 idarə, müəssisə və təşkilatlarında, 10 bank filialında, 25 ərzaq ticarəti obyektində, 20 aptekdə, 23 bankomatda, 16 avtobus dayanacağında, 26 körpələr evi-uşaq bağçasında, Avtovağzal kompleksində, Regional “ASAN” Xidmət Mərkəzinin qarşısındakı meydanda, Nüşabə parkında, Heydər Əliyev adına park-bulvarın və Qəhrəmanlar parkının giriş hissələrində, “Bərdə” otelində dezinfeksiya işləri aparılmışdır.
“COVID-19” pandemiyasına qarşı mübarizə sahəsində əhalinin maarifləndirilməsi üçün tədbirlər görülür, sakinlər sosial məsafənin saxlanılmasına, fərdi qoruyucu vasitələrdən daha geniş istifadə olunmasına təşviq edilir.
Rayonda dezinfeksiya işi davam etdirilir.

Çox Oxunanlar