Azərbaycan xalqının uğurlu seçimi
6-04-2022, 19:30
Oxunub: 4 376
“Mən ona özüm qədər inanıram və gələcəyinə böyük ümidlər bəsləyirəm” - Heydər Əliyev
11 aprel 2018-ci il. Azərbaycan xalqı bu dəfə də doğru, müdrik seçim etdi. Bu seçim gənclərin yaxın dostu, himayədarı, Müzəffər Ali Baş Komandan Cənab İlham Əliyev oldu. Xalq inanırdı ki, onun lideri illərlə işğal altında qalan torpaqlarımızın yağı düşməndən azad olunmasını mütləq təmin edəcək. Məhz belə də oldu ! Möhtərəm Prezidentimiz Qarabağı azad etməklə xalqımıza əbədi başucalığı bəxş etdi.
2018-ci il aprelin 11-də şəffaf, azad, demokratik şəraitdə keçirilən seçkilərdə Cənab İlham Əliyev Azərbaycan seçicilərinin mütləq əksəriyyətinin – 86,02 faizinin səsini qazanaraq Azərbaycan Respublikasının Prezidenti seçilmişdir. Azərbaycan xalqı seçkilərdə görülən işlərə yüksək qiymət vermişdir, görülən işlərə, inkişafa, tərəqqiyə, təhlükəsizliyə, gələcəyə səs vermişdir.
Ulu Öndər Heydər Əliyev kursunun layiqli davamçısı Cənab Prezident İlham Əliyevin uzaqgörən siyasətinin məqsədi Azərbaycanın hərtərəfli inkişafı, xalqımızın firavan həyatı, ərazi bütövlüyünün bərpası idi. Bütün istiqamətlərdə atılan addımların bir hədəfi var idi – işğal altında olan torpaqlarımızın düşməndən azad edilməsi və dogma Qarabağımızda bayrağımızın dalğalanması. 2020-ci ilin 27 sentyabrında başlanan Vətən müharibəsi Ali Baş Komandan İlham Əliyevin qətiyyəti, xalqın birliyi və Ordumuzun gücü nəticəsində Zəfərlə sonlandı. Müzəffər Ali Baş Komandan başda olmaqla, rəşadətli Azərbaycan Ordusu dünya hərb tarixinə öz adını qızıl hərflərlə yazdı. Prezident İlham Əliyevin Ali Baş Komandan kimi qətiyyəti, siyasətçi kimi iradəsi, diplomat kimi müdrikliyi və humanist davranışı ilə torpaqlarımızın işğaldan azad edilməsinə nail olmaqla xalqı qalib olmaq arzusuna çatdırdı.
Torpaqlarımızın mənfur düşməndən azad olunmasında idmançı əsgər və zabitlərimizin böyük rolu olmuşdur. Bilirik ki, hər bir cəmiyyətin dayağını sağlam bədən və sağlam ruhlu insanlar təşkil edir. 2003-2018-ci illərdə bir çox sahədə olduğu kimi, idman sahəsində də sürətli inkişaf getdi. İdmançılar 15 il ərzində Olimpiya Oyunlarında, dünya və Avropa çempionatlarında böyük qələbələr qazanmışlar. Azərbaycan həmin illərdə 7 Olimpiya Oyunlarında iştirak etmişdir. Avropa Oyunlarında Azərbaycan ikinci yerə, İslam Həmrəyliyi Oyunlarında isə bütün müsəlman ölkələri arasında birinci yerə nail oldu. Rio de Janeyro Olimpiya Oyunlarında isə Azərbaycan medalların sayına görə 14-cü yerdə oldu.
Beynəlxalq yarışlarda qələbə qazanan gənc idmançılarımızın dövlət tərəfindən layiqincə qiymətləndirilməsi,onların yeni uğurlar qazanmasında mühüm rol oynayır. Məhz buna görə də, beynəlxalq yarışlarda qazanılan idman nailiyyətlərimizin sayı ildən-ilə artır.
Ümumilikdə, dövlət başçımızın 19 illik fəaliyyəti dövrünə nəzər saldıqda görürük ki, Prezident İlham Əliyev müstəqil respublikamızı bütün sahələr üzrə inamla irəli aparır. Bu sırada idman xüsusi yer tutur. Ümummilli liderimiz Heydər Əliyevin qeyd etdiyi kimi, heç bir fəaliyyət Azərbaycanı dünyada idman qədər tanıda bilməz. Məhz bu ideyanı əldə rəhbər tutan Prezident İlham Əliyev Azərbaycanı dünyada idman dövləti kimi tanıtmışdır.
Azərbaycan Prezidentinin ətrafında sıx birləşən gənclər və idmançılar onun ən böyük dəstəkçisi və uğurlu siyasətinin davamçılarıdır. Bugün biz özümüzü çox xoşbəxt gənclik hesab edir, dövlətimizin gənclərlə bağlı həyata keçirdiyi siyasəti yüksək qiymətləndiririk. Daim bizə göstərilən etimadı öz əməli fəaliyyətimizlə layiqincə doğrultmağa çalışacağıq!
Biz gənclər, Sizinlə fəxr edirik, Cənab Prezident!
Biz birlikdə güclüyük!
Yaşasın Azərbaycan!
Bərdə rayon Gənclər və İdman İdarəsinin məsləhətçisi – Fidan Nəsirli
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər