BolgeXeber.Com » Bölgə » Tərtərin icra başçısı şokda

Tərtərin icra başçısı şokda

5-09-2013, 22:15

Oxunub: 6 367

Rayonun bütün kəndləri ayağa qalxmağa başlayıb, İcra Hakimiyyətinin binası qarşısında aksiya gözlənilir
Tərtər rayonunda vəziyyət pisləşib. xalq.az-a verilən məlumata görə, rayonun bütün kəndləri üzləşdikləri problemlərdən bezərək, ayağa qalxmağa başlayıblar. Artıq bir neçə kəndin sakinləri rayon mərkəzinə doğru hərəkət edərək, İcra Hakimiyyətinin binası qarşısında aksiya keçirməyi planlaşdırır.
İcra başçısı Ceyhun Cəfərov isə yaranmış vəziyyətdən şoka düşüb. Məmur özbaınalığına haqq qazandıran, rayonda əhalinin üzləşdiyi problemləri qulaqardına vuran Cəfərov vəziyyətin belə bir şəkil alacağına inanmırmış. Elə buna görə də, prosesin qarşısını almaq üçün nə edəcəyini bilmir. Xüsusən də seçki ərəfəsində Tərtərdə kəndlərin ayağa qalxmasının ona nələr hesabına başa gələcəyini yaxşı bildiyindən ağsaqqalları vasitəçi kimi dövriyyəyə salmağa çalışır. Lakin rayondakı nüfuzlu şəxslər də icra başçısından üz döndərməyə başlayıblar. Çünki onlar əhalinin hansı durumda yaşadığını və problemlərinin icra başçısı tərəfindən aradan qaldırılmadığını yaxşı bilirlər.

Xatırladaq ki,ölkə başçısı regionların sosial-iqtisadi problemini həll etmək məqsədi ilə bir sıra sərəncamlar imzalayıb. Eyni zamanda rayonların inkişaf etdirilməsi üçün istər dövlət büdcəsindən,istərsə də Prezidentin şəxsi fondundan dəfələrlə vəsait ayrılıb.Baş vərənlərdən belə anlaşılır ki,Ceyhun Cəfərov həmin vəsaitləri təyinatı üzrə xərcləməyib,həmdə Prezidentin Sərəncamlarına əhəmiyyət verməyib. Əks təqdirdə Tərtərdə faktiki vəziyyət yaranmazdı.

Qarşı tərəfindən mövqeyini dərc etməyə hazırıq

Çox Oxunanlar