BolgeXeber.Com » Bölgə » Tərtərdə təhsil şöbəsinin müdiri rayonun orta məktəblərini bazara çevrib

Tərtərdə təhsil şöbəsinin müdiri rayonun orta məktəblərini bazara çevrib

19-09-2013, 11:20

Oxunub: 4 352

Tərtərin təhsilində Aydın Qarayev böhranı
Tərtər rayonunda təhsil sahəsində ciddi böhran yaşanır. Rayonun orta məktəbləri təhsil ocaqlarından daha çox, bazarı xatırladır. Demokratiya.info-ya verilən məlumata görə, təhsil şöbəsinin müdiri Aydın Qarayevin «böyük zəhməti» sayəsində ərsəyə gəlmiş vəziyyətlə bağlı edilən şikayətlərə də baxan yoxdur.

Verilən məlumatlara görə, Aydın Qarayev Tərtərə təhsil şöbəsinə müdir gələndən sonra bir qədər sakit davransa da, sonradan hərəkətə keçməyə başlayıb. Məhz bu hərəkətlilik nəticəsində hal hazırda rayonda orta məktəblərin direktorlarının hamısı ona işləmək məcburiyyətində qalıb. Belə ki, faktiki olaraq Tərtər məktəblərinin direktorları hər ay şöbə müdirinə «pay» göndərirlər. Eyni zamanda, yeni tədris ili əlaqədar da «bazar açılıb».

Həmin məlumata görə, təhsil şöbəsinin müdirinin göstərişinə əsasən bütün orta məktəblərdə şagirdlər yalnız Aydın Qarayevin bir neçə il bundan əvvəl istifadəyə verdiyi geyim dükanından məktəbli formaları almalıdır. Əgər valideyn imtina edərsə, direktorun başlıca vəzifəsi onu bir şəkildə razı salmaqdan ibarət olmalıdır. Eyni zamanda, valideyn israr edərsə, direktor formanın pulunu cibindən verməlidir.

Tərtər camaatı deyir ki, rayon təhsilində Aydın Qarayev böhranı yaşanır. Onların bildirdiyinə görə, əvvəllər belə biabırçılıqlar yaşanmırdı. Lakin sonradan vəziyyət dəyişdi və Qarayev «qaydaları» işə düşdü.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]