Salyanda marifləndirici tədbir keçirilib

Bolgexeber.com xəbər verir ki, Salyan rayonu Kürqaraqaşlı kənd tam orta məktəbində “Narkomaniyaya yox deyək”, “Erkən və Qohumlar arasında nikahların mənfi nəticələri”, “Ailələrdə məişət zorakılığı” və “Dini radikalizm” mövzularında maarifləndirici görüş keçirilib.

Tədbirdə polis şöbəsinin əməkdaşları, məktəbin pedaqoji heyəti və yuxarı sinif şagirdləri iştirak ediblər

Görüşdə çıxış edən RPŞ-nin rəis müavini, polis polkovnik-leytenantı Etibar Balakişiyev narkomaniyanın cəmiyyətimizə, gələcəyimiz olan gənclərin mənəviyyatına və əxlaqına mənfi təsir göstərməsindən, insanların narkomaniya adlı xəstəliyə düçar olaraq həyatlarının məhv olmasından danışıb, bu maddələrin yaratdığı problemlərdən və fəsadlarından geniş bəhs edib.

Daha sonra digər mövzular ətrafında çıxış edən tədbir iştirakçıları məktəblilərə dəyərli tövsiyələr verərək onları maraqlandıran sualları cavablandırıblar.

Tədbirin sonunda narkotiklərin fəsadlarından bəhs edən film nümayiş etdirilib.