BolgeXeber.Com » Bölgə » Qazaxda rəislərinin əlindən bezən polis çavuşu Ermənistana keçmək istəyib

Qazaxda rəislərinin əlindən bezən polis çavuşu Ermənistana keçmək istəyib

5-10-2013, 13:00

Oxunub: 3 663

Daxil olan məlumata görə, çavuş Lətif Hacıyevin qarşısını sərhədə nəzarət edən N saylı hərbi hissənin əsgərləri alıblar və onu saxlayaraq geriyə polis şöbəsinə təhvil veriblər.

Lətif Hacıyev yerli hüquq-müdafiəçilərinə açıqlamasında məsələnin 1 hind toyuğu üstündə baş verdiyini bildirib. L.Hacıyevin rəislərindən biri olan Nazim Əliyev təkidlə ondan "hinduşka" tapıb gətirməsini tələb edib. Polis çavuşu isə buna imkanı olmadığını bildirib və rəislə L.Hacıyev arasında soyuq münasibət yaranıb. Çavuş ərazidə xidmət etdiyi növbələrin birində tualet üçün şöbəyə daxil olarkən Nazim Əliyev ona sillə vuraraq "tualet üçün şöbəyə gəlmirlər" deyib və xidməti vəzifəsindən qovacağını bildirib.

Aralarında mübahisə düşən rəis və polis çavuşunu şöbə əməkdaşları aralayıb. Bunun haqsızlıq, qanunsuzluq olduğunu deyən çavuşa N.Əliyev belə cavab verib: "Onda get Ermənistanda işlə".
Bundan sonra L.Hacıyev də şöbəni tərk edərək Ermənistan sərhədi istiqamətinə üz tutub.

Bildirilir ki, L.Hacıyevlə N.Əliyev arasında olan söz-söhbət şöbənin video kameralarına yazılıb.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]