Tərtərdə "Şahin" hərbi idman oyununun rayon mərhələsi keçirilib

Bolgə.TV xəbər verir ki, 18 aprel 2023-cü il tarixdə Tərtər Olimpiya İdman Kompleksində "Şahin" hərbi-idman oyununun rayon mərhəkəsi keçirilmişdir. Yarışda rayonun 23 tam orta məktəbinin Vlll və X sinif şagirdlərindən ibarət şahinlər komandaları iştirak etmişdir. 

Oyun başlamazdan əvvəl ölkəmizin ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla anılmış,  Dövlət Himni səsləndirilmişdir.

Sonra Tərtər rayon Gənclər və İdman İdarəsinin rəisi Emin Pənahov çıxış edərək yarışın keçirilməsinin əsas məqsədinin məktəblilərin ordu sıralarında hərbi xidmətə hazırlanması, gənclərin vətənpərvərlik, milli qürur və milli ləyaqət ruhunda tərbiyə edilməsi, onların mənəvi-psixoloji və hərbi-fiziki hazırlığının təmin olunmasına kömək göstərməkdən ibarət olduğunu vurğulamışdır. Daha sonra Tərtər Gİİ tərəfindən yaradılmış mandat komissiyası iştirakçıların diqqətinə çatdırılmışdır.

Yarışın qalib komandaları müxtəlif mərhələlər üzrə toplanan xalların cəminə uyğun olaraq aşağıdakı kimi müəyyən edilmişdir.

l yer – Hüsənli kənd tam orta məktəbin komandası

ll yer – şəhər 5 saylı tam orta məktəbin komandası

lll yer – Səhləbad kənd tam orta məktəbin komandası

lll yer – Ələsgərli kənd tam orta məktəbin komandası

l yerin qalibi Hüsənli kənd tam orta məktəbin “Şahinlər” komandası zona mərhələsində iştirak üçün vəsiqə qazanmışdır.

Qalib komandalar qarşıdakı günlərdə Tərtər rayon Gənclər və İdman İdarəsinin müvafiq fəxri fərmanları ilə təltif ediləcəklər.