BolgeXeber.Com » Bölgə » Əsgər hərbçi yoldaşini snayperlə öldürüldü

Əsgər hərbçi yoldaşini snayperlə öldürüldü

17-06-2011, 20:35

Oxunub: 5 449

Azərbaycan Ordusunun əsgəri hərbçi yoldaşını snayperlə qətlə yetirib

Azərbaycan Ordusunda iki ölüm hadisəsi baş verib. Bolgexeber.com-un xəbərinə görə, bu hər iki hadisə Müdafiə Nazirliyinin Şəmkir Hərbi Birləşməsinə daxil olan hərbi hissələrdə qeydə alınıb. Tovuz rayonunda yerləşən “N” saylı hərbi hissədə əsgər Bəşirov Mərdan Arif oğlu SVD silahından (snayper) açdığı atəş nəticəsində əsgər Əlizadə Vüsal İlqar oğlunu qətlə yetirib. Hadisənin münaqişə zəminində baş verdiyi bildirilir.

Digər hadisə isə Ağstafa rayonunda yerləşən “N” saylı hərbi hissədə baş verib. Kiçik çavuş Muradov Kənan Etiqad oğlu dövlət nişanı olmayan motosikletlə gedərkən Ağstafa- Sadıxlı yolunda idarəetməni itirərək, onu aşırıb. Hərbçi hadisə yerində həlak olub.

Hər iki hadisənin iyunun 16-da baş verdiyi bildirilir.

Müdafiə Nazirliyinin mətbuat xidmətinin rəis müavini, kapitan Teymur Abdullayev hər iki faktı təsdiqləyib. Onun sözlərinə görə, hər iki fakt üzrə araşdırma aparılır.

Çox Oxunanlar