İsmayıllıda Ulu Öndər Heydər Əliyevin 100 illik yubileyi münasibətilə tədbir keçirilib

Bolgə.TV xəbər verir ki, İsmayıllıda Ulu Öndər Heydər Əliyevin 100 illik yubileyi münasibətilə tədbir keçirilib

İsmayıllı Rayon Polis Şöbəsində müasir Azərbaycan dövlətinin memarı və qurucusu, xalqımızın Ümummilli Lideri Heydər Əliyevin 100 illik yubileyi münasibətilə tədbir keçirilib. Tədbir iştirakçıları əvvəlcə Ulu Öndərin və şəhidlərimizin əziz xatirəsini bir dəqiqəlik sükutla yad ediblər, daha sonra Dövlət Himni səsləndirilib.

Rayon polis şöbəsinin rəisi, polis polkovniki Şəmşir Kazımov çıxışında Ulu Öndər Heydər Əliyevin xilaskarlıq missiyasından söz açıb, ölkəmizdə ictimai-siyasi sabitliyin qorunub saxlanmasında göstərdiyi xidmətləri diqqətə çatdırıb.

Daha sonra çıxış edənlər dünya şöhrətli siyasətçinin tarixdəki rolu, eləcə də vətəni və xalqı qarşısındakı misilsiz xidmətlərindən danışıblar.

Sonda Ümummilli Liderin həyat və fəaliyyətinə həsr olunmuş film nümayiş olunub.