“Ailə büdcəsinin idarə edilməsi” mövzusunda maarifləndirici görüş keçirilib

Bolgə.TV xəbər verir ki, 11 may 2023-cü il tarixdə Ailə, Qadın və Uşaq Problemləri üzrə Dövlət Komitəsinin Hacıqabul Uşaq və Ailələrə Dəstək Mərkəzinin (UADM) təşkilatçılığı ilə rayon Gigiyena və epidemiologiya mərkəzində maliyyə savadlılığının artırılması istiqamətində “Ailə büdcəsinin idarə edilməsi” mövzusunda maarifləndirici görüş keçirilib.

Görüşdə Hacıqabul UADM-in və Gigiyena və epidemiologiya mərkəzinin əməkdaşları, Hacıqabul rayon Məşğulluq Mərkəzinin şöbə müdiri Fərhad Qədirov iştirak ediblər. 

Tədbirdə Hacıqabul UADM-in baş mühasibi Mahir Əhmədov və Fərhad Qədirov ailə büdcəsinin idarə edilməsi, qənaət və onun məqsədləri, gəlirlər və xərclər, xərclərin idarə edilməsi, lüzumsuz xərclər, kredit və onun ehtiyaclara uyğun sərfiyyatı barədə ətraflı məlumat verib, tədbir iştirakçılarının suallarını cavablandırıblar.