BolgeXeber.Com » Bölgə » Rayon rəhbəri tərəfindən növbəti dəfə vətəndaşların müraciətləri dinlənilib

Rayon rəhbəri tərəfindən növbəti dəfə vətəndaşların müraciətləri dinlənilib

21-11-2023, 14:53
Oxunub: 760
Bolgə.TV xəbər verir ki, Rayon rəhbəri tərəfindən növbəti dəfə vətəndaşların müraciətləri dinlənilib

Tərtər Rayon İcra Hakimiyyətinin başçısı Müstəqim Məmmədov növbəti dəfə vətəndaşları qəbul edib. Qəbulda 21 nəfər vətəndaşın müraciəti dinlənilib. Şəhid ailələri və qazilər növbədənkənar qəbul edilib, onların problemlərinə həssaslıqla yanaşılıb.
Qəbula gələn vətəndaşlar əsasən işlə təmin olunma, bələdiyyə mülkiyyətində olan torpaq sahəsindən əkinçilik və sahibkarlıq məqsədilə icarəsinə ayrılması,  maddi köməklik, ev təmirinə köməklik, pay torpaq sahəsinin sərhədlərinin müəyyənləşdirilməsi, pay torpaq sahəsində yaranan mübahisə, ünvanlı sosial yardım almasına köməklik, ev tikintisinə icazə və digər şəxsi məsələlərlə bağlı müraciət ediblər. Onların müraciətləri rayon rəhbəri tərəfindən diqqətlə dinlənilib, icra hakimiyyətinin səlahiyyətlərinə aid müraciətlər qanun çərçivəsində həll olunub, digər müraciətlərlə bağlı isə vətəndaşlara müvafiq izahatlar verilib, vətəndaş məmnunluğu təmin olunub.
Rayon sakinləri ölkəmizdə həyata keçirilən islahatlara, əhalinin sosial rifah halının yüksəldilməsinə göstərilən diqqət və qayğıya görə möhtərəm Prezident cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.