Bizimlə əlaqə | Reklam
BolgeXeber.Com » Bölgə » Zərdabda 1500-dən çox ailəyə kompensasiya ödənildi - FOTO

Zərdabda 1500-dən çox ailəyə kompensasiya ödənildi - FOTO

28-08-2010, 03:45
Oxunub: 8 332
Kür, Göyçay və Türyançay çaylarının daşması nəticəsində Zərdab rayonunda evləri uçmuş 51 ailə üçün yeni evlərin tikintisinə başlanılıb.

Bu barədə “Bolgexeber” saytına yerli saknlər məlumat veriblər. Qeyd edək ki, təbii fəlakət nəticəsində Zərdab rayonunda ümumilikdə 1500-ə qədər həyəti su basıb, 51 ev uçub, 85 ev qəzalı vəziyyətə düşüb, 1195 ha əkin sahəsi su altında qalıb. 18 sosial obyekt isə qrunt sularından ziyan çəkib.

Bir neçə gün öncə Fövqəladə Hallar Nazirliyinin xətti ilə tərkibi 15 nəfərdən ibarət alt komissiya rayonda olub və dəymiş ziyanı müəyyənləşdirib. Nazirlər Kabinetinin sərəncamına uyğun olaraq rayonda hazırda 51 evi uçmuş ailəyə şəhərin "32 hektar" adlanan ərazisində yeni evlər tikilir, 85 təhlükəli evdə bərpa-gücləndirmə işləri aparılır. 1500-dən çox ailəyə isə evlərinin cari təmiri üçün kompensasiya ödənilib.

Zərdabda daşqınlar nəticəsində 18 sosial obyektə, o cümlədən 8 məscidə ziyan dəyməsi barədə sənədləşmə işləri isə artıq Fövqəladə Hallar Nazirliyində qəbul olunub. Fövqəladə Hallar Nazirliyinin xətti ilə yaranmış alt komissiya hazırda rayonda fəaliyyətini davam etdirir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]