Bizimlə əlaqə | Reklam
BolgeXeber.Com » Bölgə » 11 rayon ƏSMM-in müdiri işdən çıxarılacaq?

11 rayon ƏSMM-in müdiri işdən çıxarılacaq?

13-11-2013, 10:55
Oxunub: 5 148 ƏSMM-in yerli şöbələrindən birinin rəhbəri istefa ərizəsini yazıb, digərləri isə pul toplayırlar

Əmək və Əhalinin Sosial Müdafiəsi Nazirliyinin başına yencə keçən Səlim Müslümov «qılıncı»nı əlinə alaraq, keçmiş nazirdən qalan kadrları «doğramağa» başlayıb. Artıq yeni nazir 11 rayonda total yoxlamaların aparılması ilə bağlı qəti göstəriş verib və proses başlayıb.

Əldə etdiyimiz məlumatlara görə, yeni nazirin tapşırığı ilə İmişli, Beyləqan, Füzuli, Sabirabad, Biləsuvarda ƏƏSMN-in yerli şböələrində yoxlamalar başlayıb. Adları çəkilən rayonlardakı qurumların rəhbərləri hər an işdən çıxarıla biləcəklərini düşünürlər. Elə buna görədir ki, bəziləri yıxan adamlarını başına yığaraq, onlardan ehtiyat üçün pul toplamalarını istəyiblər. Görünür, əlverişli məqam yarandığı təqdirdə onu nazirliyə ötürməyə cəhd edəcəklər.

Gələn xəbərlərdə vurğulanır ki, yoxlamalar yaxın günlərdən etibarən Tərtər, Goranboy və Ucar rayonlarını da əhatə edəcək. ƏƏSMN-in bu rayonlardakı şöbələrinin rəhbərləri isə indidən hazırlıqlarını görüblər və gələn yoxlamanı da layiqincə qarşılayacaqlar.

Redaksiyaya verilən son məlumatlara görə isə yoxlama aparılan ƏƏSMN-nin Ağcabədi rayon şöbəsində isə işdən çıxmalar könüllü şəkil almağa başlayıb. Belə ki, şöbənin müdiri artıq istefa verib. Digər işçilər də vəziyyətə uyğun şəkildə hərəkət etməyə çalışırlar.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]