BolgeXeber.Com » Şou-Biznes » Müşfiq Abbasovdan Tahir İmanova cavab: “Bizə rəqib olmaq istəyənlər…”

Müşfiq Abbasovdan Tahir İmanova cavab: “Bizə rəqib olmaq istəyənlər…”

27-03-2015, 14:45

Oxunub: 6 940

Əməkdar artist Tahir İmanov «Səbəbkar» verilişində qonaq olarkən «Bu şəhərdə»ni özlərinə rəqib görmədiyini deyib. O, rəqiblərinin Moskvada qaldığını vurğulayıb.

«Bu şəhərdə»nin prodüseri Müşfiq Abbasovun Tahir İmanova cavabı özünü çox gözlətməyib.

Müşfiq Abbasov AzNews.az-a bildirib ki, onun rəhbərlik etdiyi teatrın Azərbaycanda rəqibi yoxdur: “Bizə rəqib olmaq istəyənlər Heydər Əliyev Sarayında ən azı 20 konsert verməlidir. 2013-cü ildə bu Sarayda 20 konsert proqramı ilə çıxış etmişik. Azərbaycan tarixində bu göstərici ilə bizə yaxınlaşan ikinci sənətkar olmayıb. Təkcə 5 konsert proqramı ilə Faiq Ağayev yaxınlaşıb. Bunu yoxlamaq heç də çətin deyil”.

M.Abbasov daha sonra əlavə edib ki, o, Tahir İmanovun “Yeni komandalara bizim qədər tamaşaçını ələ alması üçün mərhum Anar Məmmədxanov kimi rəhbər, Bəhram Bağırzadə kimi «frontmen» — əsas aktyor lazımdır” fikiri ilə razıdır.

“Azərbaycanı təmsil edən KVN komandası yoxdur, çünki Anar Məmmədxanov dünyasını dəyişdi. O, hələ ölməzdən öncə KVN-nin fəaliyyətini tamamilə dayandırdı. “Bakılı oğlanlar” komandasının ssenaristlərindən biri də mən olmuşam. 2000-ci ildə Moskvada “Əsrin ən yaxşı zarafatı” nominasiyasının diplomunu da almışam”, — deyə Müşfiq Abbasov əlavə edib.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]