BolgeXeber.Com » Şou-Biznes » “Bozbash Pictures”in “Fəlakəti” xəstəxanalıq oldu - FOTO

“Bozbash Pictures”in “Fəlakəti” xəstəxanalıq oldu - FOTO

2-09-2015, 19:28

Oxunub: 6 321

“Bütün çəkilişlərimiz təxirə salınıb”

“Bozbash Pictures” layihəsinin tanınmış aktyoru Elşən Orucov (red. “Fəlakət” obrazı ilə tanınan) İsmayıllı rayonunda çəkiliş zamanı xəstəxanalıq olub.

Bu barədə Oxu.Az-a İsmayıllı sakinləri məlumat veriblər.

Məsələ ilə bağlı “Bozbash Pictures” layihəsinin rəhbəri İlkin Həsəni Oxu.Az-a hadisəni təsdiqləyib.

O bildirib ki, “Axırıncı yol” adlanan kinokomediyanın İsmayıllı rayonunda baş tutan çəkilişi zamanı Elşən Orucovu kəskin sancılar tutub:

“Dərhal hadisə yerinə təcili tibbi yardım briqadası çağırılıb. Həkimlər aktyora ilkin tibbi yardım göstəriblər, daha sonra o təcili tibbi yardım avtomobili ilə Bakıya çatdırılıb”.

İlkin Həsəni qeyd edib ki, hazırda “Fəlakət” paytaxtda özəl klinikaların birindədir:

“Həkimlər onu müayinə edirlər. Müayinədən sona məlum olacaq ki, nəyə görə “pristup” tutub, xəstəliyin diaqnozu bilinəcək”.

İ.Həsəninin sözlərinə görə, hazırda hadisə ilə əlaqədar bütün çəkilişlər təxirə salınıb:

“Kinokomediyanın çəkilişlərinin bitməsinə iki-üç gün qalmasına baxmayaraq hadisə ilə əlaqədar “Bozbash Pictures” paytaxta qayıdıb. Bütün çəkilişlərimiz təxirə salınıb”.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]