BolgeXeber.Com » Şou-Biznes » Mikayılın yeni- “Məhəbbət əhvalatları” verilişindən MTRŞ-ə şikayət

Mikayılın yeni- “Məhəbbət əhvalatları” verilişindən MTRŞ-ə şikayət

3-12-2015, 17:30

Oxunub: 5 426

“Verilişdəki sünilik, bayağılıq...”

Milli Televiziya və Radio Şurasının səlahiyyətləri artırılandan sonra Şura verilişlərin məzmunu ilə bağlı narahatlığını dəfələrlə dilə gətirmişdi. Eyni zamanda, kanallara verilişlərin məzmununa diqqət etmələri tövsiyə edilmişdi. Bu aspektdən yanaşanda hazırda bir çox verilişlərin məzmununda müəyyən qədər bayağılıq qalmaqdadır.

Bolgexeber.com xəbər verir ki, bunu APA-ya açıqlamasında Milli Televiziya və Radio Şurasının (MTRŞ) Ekspertiza, Proqramlaşdırma və Analitik şöbəsinin müdiri Təvəkkül Dadaşov deyib.

O bildirib ki, “Space” televiziyasında yayımlanan, aparıcılığını Mikayıl Güləddinoğlunun etdiyi “Məhəbbət əhvalatları” verilişində də bayağılıq müşahidə olunur:

“Bu verilişlə bağlı Şuranın “Qaynar xətt”inə şikayətlər daxil olur. “Məhəbbət əhvalatları” verilişinin formatında bir balaca dəyişiklik olsa yaxşıdır. Hazırda konkret qanun pozuntusu olmadığına görə biz verilişə müdaxilə etmirik. Amma verilişin aparıcısını, ümumiyyətlə verilişin formatında müəyyən qədər dəyişiklik edilməsi ilə bağlı öz tövsiyələrimizi vermişik. Verilişdəki sünilik, bayağılıq müəyyən dərəcədə aradan qaldırılsa yaxşı olar”.

Şöbə müdiri qeyd edib ki, “Space” telekanalının təmsilçiləri bu haqda məlumatlandırılıb:

“Kanalın təmsilçiləri bizim tövsiyələri nəzərə alacaqlarına söz veriblər. Biz də hələki gözləmə mövqeyindəyik”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]